,,ტყუილს მოკლე ფეხები აქვს“ – რას წერს რომან გოცირიძე?

ეკონომისტი რომან გოცირიძე:

,,ტყუილს მოკლე ფეხები აქვს. ამდენი ხანი იტყუებოდა “ოცნების” მთავრობა, რომ საქართველოში შემოდის ბურჯ ხალიფას ამშენებელი არაბული ფონდი, სინამდვილეში სიცრუე ყოფილა და ხალხს აბოლებდნენ.

ბურჯ ხალიფას ამშენებელია ემაარ ფონდი( Emaar Properties). საქართველოში შემოდის არაბული კომპანია იგლ ჰილსი( Eagle Hills). ამათ იურიდიულად არა აქვთ რაიმე კავშირი ერთმანეთთან. ერთი არის უზარმაზარი შერეული საკუთრების სახელმწიფო-კერძო ფონდი, საჯარო კომპანია, მეორე კი საშუალო სიდიდის კერძო კომპანია, შპს, ორიენტირებული აღმოსავლეთ ევროპაზე, რომელიც სულ ახლახანს დაარსდა, 2014 წელს). საერთო ისა აქვთ, რომ ორივეს ერთი და იგივე კერძო პირი ჰყავთ დამფუძნებლად და თავმჯდომარედ, მუჰამედ ალაბარი, ოღონდ ემაარ ფონდში მთავარი მეწილე სახელმწიფოა.

ეს ფონდი არის საჯარო კომპანია ანუ სააქციო საზოგადოება და მისი აქციები იყიდება დუბაის საფონდი ბირჟაზე. ეს იმას ნიშნავს, რომ არის გამჭვირვალე და მუშაობს საერთაშორისო წესებით. მუჰამედ ალაბარი არის მცირე აქციონერი ამ ფონდში, ფლობს 5 პროცენტზე ნაკლებს. დღეს იგი არის ამ ფონდის თავმჯდომარე, ისევე როგორც იმ კომპანიის, რომელიც საქართველოში შემოდის. ფონდში ფაქტობრივდ დაქირავებული პირია, თუმცა დიდი გავლენის მქონე.

როცა მთავრობა ამბობს, ემაარ ფონდი შემოდისო, ეს ისეთივეა, თემურ ჭყონიას სამშენებლო კომპანიამ რომ კორპუსი ააშენოს და ვიღაცებმა თქვან, კოკა კოლა აშენებსო. თუმცა ეს მაგალითიც მთლად ზუსტი არ არის, უფრო ზუსტი იქნება კოკა კოლა ჯორჯიას 3-4 პროცენტის მფლობელზე რომ თქვან, რომელსაც ცალკე ბიზნესი აქვს და სახლებს აშენებს, ამ კორპუსებს კოკა კოლა აშენებსო.

ემაარ ფონდის სახელით ხდება მანიპულაცია და შეცდომაში შეჰყავთ ადამიანები. სიცრუე რომ ამ ხელისუფლების საფირმო ნიშანია, ეს ყველამ კარგად იცის.“