„ერთი განმარტება ძალიან გადაფსიხებული ქოც “კეთილის მსურველებისთვის” და არა მარტო მათთვის“ – გიორგი ფოფხაძე

„ერთი განმარტება ძალიან გადაფსიხებული ქოც “კეთილის მსურველებისთვის” და არა მარტო მათთვის..

თუ ვინმეს გონია რომ, რასაც ვაკეთებ პოლიტიკა არაა, ძალიან ცდება. თუ საქართველოში არც ერთ პოლიტიკურ გაერთიანებაში არა ვარ, არ ნიშნავს რომ, პოლიტიკიდან განზე ვდგავარ. არც იმას ნიშნავს რომ, “ჩემი მოსაწონი პარტია” და პოლიტიკური ჯგუფი არ გამოჩნდა.. თქვენ წარმოიდგინეთ და ლიბერალურ ფლანგზეც მყავს პარტიები რომლებსაც სიმპატიებს ვუცხადებ, ცენტეისტებთანაც (ნუ ამ სეგმენტში მხოლოდ ერთი პარტია გვყავს “გახარიებ” სამწუხაროდ) და მემარჯვენეებშიც..

თავად, მე მემარჯვენე ცენტრისტი ვარ ჩემი მრწამსით, იდეოლოგიით, მიმართულებით აი როგორიცაა საფრანგეთის “რესპუბლიკური პარტია” (სარკოზისტები). ბელგიური NVA ( ახლა ქვეყნის მმართველი).. იტალიური ძმები (ჯორჯა მელონი) გერმანული CDU/CSU,.. ანუ ევროპული კონსერვატორი, რომლისთვისაც სახელმწიფო არის საშუალო და წვრილ ბიზნესზე დაფუძნებული ცოცხალი ორგანიზმი, მკაცრი საემიგრაციო პოლიტიკით,(ეს რა თქმა უნდა მოიცავს ქვეყანაში შემოსული ლეგალური ემიგრაციის სრულ ასიმილაციას, ისე რომ, მათ თავიანთი ეთნიკური ფესვები არ დაკარგონ) ეროვნული ტრადიციების და კულტურის დაცვით, ქვეყნის მოქალაქეების უფლებების მიზანმიმართულ და უპირობო დაცვას განურჩევლად მათი ერისა, იდენტობისა, პოლიტიკური, რელიგიური და სექსუალური მრწამსისა.. რა თქმა უნდა ევროფილი და არა ევროფობი.(ვთვლი რომ, ჩვენ ევროპიდან უნდა წამოვიღოთ საუკეთესო და ასევე ჩვენი საუკეთესო შევიტანოთ ევროპაში)..

ეს რომ, იცოდეთ ვინ ვარ და რატომ ვაკეთებ იმას რასაც ვაკეთებ..

და ბოლოს ორი საკითხი.. 1. ვარ თუ არა არჩევნებში მონაწილეობის მომხრე, გეტყვით რომ -არა. თუმცა ის პარტიები რომლებიც ამ გზით წავიდნენ საკუთარი ხედვა გააჩნიათ, ისევე როგორც მე და დემოკრატიულ წყობაში, ერთნაირად ფიქრი გამორიცხულია. (ასეთ ქვეყანაში გავიზარდე მე “სუსურუკუ” რომ ერქვა და ყველას ერთნაირად გვაფიქრებდნენ და… აღარ მინდა)

2. რუსეთთან დამოკიდებულება- აქ ჩემი შეხედულება ძალიან მარტივია -“ძირს რუსეთის ბოროტების იმპერია” გაუმარჯოს ერთიან და ძლიერ საქართველოს.. ამასთანავე ჩვენ ყველა მეზობელთან უნდა გვქონდეს კარგი დამოკიდებულება თუმცა ამ მომენტში და მოცემულობაში რუსეთთან ასეთი რამე შეუძლებლად მეჩვენება. არა იმიტომ რომ მე ომი მინდა, არამედ იმიტომ რომ, რუსეთს მუდამ აქვს იმპერიული ზრახვა ჩვენი ქვეყნისადმი..

სულ ეს მინდოდა მეთქვა..

მადლობა თუ ბოლომდე წაიკითხეთ ეს გრძლად ნათქვამი მოკლე სიტყვა…“