Humans Right Watch „ოცნებას” მოუწოდებს, გაათავისუფლოს „ბათუმელები/ნეტგაზეთის” დამფუძნებელი მზია ამაღლობელი და ყველა უსამართლოდ დაკავებული პირი, რომლებმაც შეკრების თავისუფლების შესახებ მათი უფლება განახორციელეს.
ამასთან, HRW მოუწოდებს ხელისუფლებას, გააუქმოს რეგრესიული საკანონმდებლო ცვლილებები, რომელიც გამოხატვის თავისუფლებასა და მედიის საქმიანობაში ჩარევისკენ არის მიმართული; დაიცვას მედიისა და გამოხატვის თავისუფლება; შესაბამისად გამოიძიოს ჟურნალისტების წინააღმდეგ ძალადობა.
ორგანიზაციამ გაეროში საქართველოზე ანგარიში წარადგინა, სადაც მიმოხილულია ბოლო წლების განმავლობაში ქვეყანაში გაუარესებული დემოკრატიული სიტუაცია.
განცხადებაში საუბარია, რომ “ოცნების” მიერ მიღებული კანონები შეუთავსებელია როგორც ქვეყნის ვალდებულებებთან გამოხატვისა და შეკრების უფლებების, ასევე, არადისკრიმინაციული და თანასწორობის პრინციპების თვალსაზრისით.
ამასთან, აღნიშნულია, რომ ხელისუფლება გადაჭარბებულად ერეოდა მეტწილად მშვიდობიან შეკრებებში და არ ჰქონდა სათანადო რეაგირება მშვიდობიანი დემონსტრანტების წინააღმდეგ საპოლიციო ძალადობის მიმართ. მათივე თქმით, საკანონმდებლო ცვლილებების მთელი წყობა მიმართულია, რომ მოხდეს განსხვავებული აზრის მქონე პირების მიმართ სისხლის სამართლებრივი სანქციების დაწესება.
HRW მოუწოდებს, „ქართულ ოცნებას” გააუქმოს „უცხოური აგენტებისა” და „უცხოური გავლენის” შესახებ კანონები; შეცვალოს გრანტების შესახებ კანონი ისე, რომ შეზღუდონ სახელმწიფოს ჩარევა არასამთავრობო ორგანიზაციების საქმიანობებში; უზრუნველყოს უსაფრთხო გარემო უფლებადამცველებისა და სამოქალაქო საზოგადოებისთვის, უზრუნველყოს, რომ სამოქალაქო აქტივისტებსა და უფლებადამცველებზე თავდასხმები იქნება ეფექტიანად, ძირეულად და სწრაფად გამოძიებული – ხოლო პასუხისმგებელი პირებს დაეკისრებათ შესაბამისი პასუხსიმგებლობა.
რაც შეეხება მშვიდობიანი შეკრების თავისუფლებისა და საპოლიციო ძალადობის ქვეთავს, HRW მოუწოდებს „ოცნებას”, დაუყოვნებლივ, ძირეულად და ეფექტურად გამოიძიოს ყველა შემთხვევა, როცა საპოლიციო ძალებმა გადააჭარბეს ძალას დემონსტრანტების წინააღმდეგ; უზრუნველყოს, რომ ყველა სამართალდამცავს ჰქონდეს შესაბამისი სანომრე ნიშნები, რათა მათი იდენტიფიცირება იყოს შესაძლებელი;
კომენტარები