პაკეტი, რომელიც თითქოს ნიკა კაციას ჰქონდა – “სუფთაა” – ანაბეჭდების გარეშე – რას ამბობს ადვოკატი

ნიკა კაციას ადვოკატი, ნინო ლომინაძე, მედიასთან ამბობს:

დაიკითხა ექსპერტი, გაირკვა, რომ აღნიშნულ გადასაფუთ პაკეტზე, რომელიც თითქოსდა ნიკოლოზ კაციას პირადი ჩხრეკისასაა ამოღებული, არ აღმოჩნდა, ნიკოლოზ კაციას თითის ანაბეჭდი.

ასევე ექპსერტმა განმარტა, რომ გადასაფუთ პაკეტზე, საერთოდ არ აღმოჩნდა არავის თითის ანაბეჭდი.

ნიკოლოზ კაცია თავდაპირველადვე ამბობდა, რომ ნარკოტიკული საშუალება არ ჰქონდა და ჩაუდეს. იგი მიუთითებდა, რომ პირადი ჩხრეკისას მოხდა მისი პირის ღრუს დათვალიერება და არსებობდა ეჭვი, რომ დნმ–ი იქნებოდა გადატანილი პაკეტზე. დნმ–თან ერთად უნდა გამოჩენილიყო თითის კვალიც, რადგან დნმ–ი გადადის თითიდან. მოგეხსენებათ, თითის კვალი პაკეტზე არ აღმოჩნდა, რაც ადასტურებს ნიკოლოზ კაციას ვერსიას.