მოსამართლე ჯვებე ნაჭყებიამ პროევროპულ აქციაზე პოლიციელისთვის სილის გაწვნისთვის დაკავებული ანატოლი გიგაურის განაჩენის გამოცხადება გადადო.
“ამ გარემოებებს დამატებით სჭირდება კიდევ შეფასება და საბოლოო სიტყვა და განაჩენი გამოცხადდება შემდეგ სხდომაზე. არის საკითხები, რომელიც წარმოაჩინეს მხარეებმა და ამას დამატებით სჭირდება შეფასება… ყველა ამ საკითხს კიდევ ერთხელ სჭირდება შეფასება“ |- განაცხადა ნაჭყებიამ “ფორმულას” ცნობით.
“ვიმარჯვებთ ერთად!.. ნებისმიერ გადაწყვეტილებას ხვდებით ტაშით, არ აგრძნობინოთ ცრემლები, ბოროტებას არ აგრძნობინოთ, რომ გაიმარჯვა” | მიმართა მოქალაქეებს ანატოლი გიგაურმა სასამართლო დარბაზიდან
ანატოლი გიგაური 25 ნოემბერს დააკავეს. გამოძიების ინფორმაციით, ბრალდებული, ადგილზე საზოგადოებრივი წესრიგის დაცვისთვის მყოფ პატრულ-ინსპექტორს თავს დაესხა და მასზე ფიზიკურად იძალადა. მას ბრალი სისხლის სამართლის კოდექსის 353-ე პრიმა მუხლით წარუდგინეს, რაც პოლიციელზე თავდასხმას გულისხმობს
კომენტარები