საბა სხვიტარიძეს პროკურატურამ ბრალი გადაუკვალიფიცირა. უფლებადამცველი მარიკა არევაძე წერს:
,,საბა არის სრულიად უდანაშაულო, ისევე როგორც სხვა რეჟიმის პატიმრები, რომელიც როგორც კობახიძის განცხადებით გავიგეთ “პრევენციული” დაკავების მსხვერპლები არიან.
ანუ დანაშაული კი არ მოხდა და დანაშაულზე რეაგირება, ოცნებამ ხელი დასტაცა რენდომ 60ზე მეტ ადამიანს და გამოკეტა ციხეში.
საბას საქმეს, რომ დავუბრუდეთ
4 დეკემბერს თავისუფლების მოედანზე მოხდა ჩასაფრებითი თავდასხმა პოლიტიკოსებზე, ურტყამდნენ ქალებს და საბამ აუცილებელი მოგერიების ფარგლებში დაიცვა თავი და დაიცვა იქ მყოფი ქალები !
ამის შემდეგ საბა დაატყვევეს, აწამეს 2ჯერ და გამოკეტეს ციხეში ! მეტი ზეწოლისთვის, პოლიციელზე თავდასხმა შემოიტანეს ბრალში და 11წლამდე პატიმრობით ემუქრებოდნენ.
ახლა შეიცვალა ის, რომ 3 წლამდე პატიმრობით ემუქრებიან უდანაშაულო ადამიანს !!! ამავე დროს ახობაძეს, კაციას და სხვებს ისევ უვადო პატიმრობით ემუქრებიან !!!
როგორც საბას შემთხვევაში მოუწია რეჟიმს უკან დახევა, ასევე მოუწევს ყველა რეჟიმის პატიმრის შემთხვევაში. ეს არის დაუღალავი ბრძოლის, თანმიმდევრულობის და ჩვენი ერთად ყოფნის პირველადი შედეგი.“
პროკურორმა საბა სხვიტარიძის პროცესზე თქვა, რომ მას, შესაძლოა, არ სცოდნოდა, რომ მირიან ქავთარაძე პოლიციელი იყო.
მუხლის გადაკვალიფიცირების გამო დაცვის მხარემ აღვეკთი ღონისძიების შეცვლა მოითხოვა, რაც მოსამართლე ჯვებე ნაჭყებიამ არ დააკმაყოფილა და სხვიტარიძე პატიმრობაში დატოვა.
აქტივისტი საბა სხვიტარიძე 2024 წლის 5 დეკემბერს დააკავეს, მას ამავე დღეს, თავისუფლების მოედანზე სამსახურებრივი მოვალეობის შესრულების დროს პოლიციელის ჯანმრთელობის ხელყოფას ედავებოდნენ.
სხვიტარიძეს ბრალდება სისხლის სამართლის კოდექსის 353-ე პრიმა მუხლის მეორე ნაწილით ჰქონდა წარდგენილი. აღნიშნული ქმედება სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს.
კომენტარები