“გთხოვთ დააბრუნეთ სხდომაზე გიორგი ტერიშვილი, მე ჩავენაცვლები” – ანდრო ჭიჭინაძე მოსამართლეს

საქალაქო სასაამრთლოში 11 პირის -ანდრო ჭიჭინაძის, ონისე ცხადაძის, ჯანო არჩაიას, რუსლან სივაკოვის, ლუკა ჯაბუას, გურამ მირცხულავას, ვალერი თეთრაშვილის, გიორგი ტერიშვილის, ირაკლი ქერაშვილის, რევაზ კინაძისა და სერგეი კუხარჩუკის პროცესი მიმდინარეობს.

ცოტა ხნის წინ სხდომაზე ადვოკატებმა დააყენეს შუამდგომლობა გიორგი ტერიშვილის პროცესზე დაშვების შესახებ.

გიორგი ტერაშვილი მოსამართლე ნინო გალუსტაშვილმა წინა სხდომაზე დარბაზიდან გააძევა.

ტერაშვილის სხდომაზე დაბრუნება სთხოვეს მოსამართლე გალუსტაშვილს სინდისის პატიმრებმაც.  ანდრო ჭიჭინაძემ თქვა, რომ თუ საჭირო გახდება ის ჩაენაცვლება ტერიშვილს.

“ვეთანხმები ადვოკატს, რომ წარმოდგენილი იყო ცრუ მოწმე, გარდა ცრუ მოწმისა (გიორგი ტერიშვილს) არაფერი უთქვამს, ამ ლიგიკით, მეც უნდა დამეტოვებინა სხდომა, ჩავენაცვლები, ბოლო სიტყვა თქვა უბრალოდ. მე მომეცით რამდენჯერმე შენიშვნა, ტერიშვილის მხრიდან ერთი შემთხვევა იყო, ბოლოს მოუწია, ძალიან გთხოვთ, იქნებ დააბრუნოთ, ჩავენაცვლები მართლა, ყოველგვარი პათეტიკის გარეშე”- თქვა ანდრო ჭიჭინაძემ. 

დაკავებულებს – ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კინაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს.

აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს