“ამას თუ პროკურორები დაამტკიცებენ, ყოჩაღ ამათ” – ანდრო ჭიჭინაძის სიტყვა პროცესზე

თბილისის საქალაქო სასამართლოში სინდისის 11 პატიმრის – ანდრო ჭიჭინაძის, ონისე ცხადაძის, ჯანო არჩაიას, რუსლან სივაკოვის, ლუკა ჯაბუას, გურამ მირცხულავას, ვალერი თეთრაშვილის, გიორგი ტერიშვილის, ირაკლი ქერაშვილის, რევაზ კიკნაძისა და სერგეი კუხარჩუკის პროცესი დახურულ კარს მიღმა, ტელეკამერების გარეშე მიმდინარეობს.

ცოტა ხნის წინ სხდომაზე სიტყვით ისარგებლა ანდრო ჭიჭინაძემ – დაკავებულმა მსახიობმა მიმოიხილა ის ბრალი (ჯგუფური ძალადობა), რასაც დაკავებულებს ედავებიან და პროკურორებს მიმართა.

ხელში მიჭირავს სისხლის სამართლის კოდექსი, ჩვენ ვდავობთ 225-ე მუხლით, რაც ჯგუფურ ძალადობას გულისხმობს. თქვენ გვედავებით ამ ჯგუფში მონაწილეობას, ჰო? ამავე სისხლის სამართლის კოდექსში წერია ამ მუხლის განმარტება, რომ დადასტურდეს, რასაც გვედავება პროკურატურა უნდა აკმაყოფილებდეს კრიტერიუმებს: დროის განსაზღვრულ პერიოდში შეთანხმებულად მოქმედმა სტრუქტურული ფორმის მქონე ჯგუფმა, რომლის წევრებიც წინასწარ შეკავშირდბენ ერთი ან რამდენიმე დანაშაულის ჩასადენად. აქვე შენიშვნაა: ორგანიზებულად მიიჩნევა ჯგუფი, რომელიც ასევე არ არის შეკავშირებული დანაშაულის დაუყოვნებლივ ჩასადენად. ამას თუ პროკურორები დაამტკიცებენ, ყოჩაღ ამათ

დაკავებულებს – ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კინაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს.

აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს