“აღარ გვეუბნებიან ომი დაიწყეთო”; “ომში მონაწილეობის მოთხოვნა ძლიერდება” – კობახიძეს და მდინარაძეს სხვადასხვა “დიპ სტეიტი” ურეკავს?

ირაკლი კობახიძემ დღეს „ქართული ოცნების” პოლიტსაბჭოს განცხადება წაიკითხა, სადაც  კვლავ პროპაგანდისტული ნარატივები გააჟღერა და კვლავ ამტკიცებს, რომ „რუსეთის წინააღმდეგ ომში ჩართვას” საქართველოსგან დასავლეთი ითხოვდა და ითხოვს.

დღეს უკვე აშკარაა, რომ არათუ შესუსტდა საქართველოს მიმართ რუსეთ-უკრაინის ომში მონაწილეობის მოთხოვნილება, არამედ ის კიდევ უფრო ძლიერდება, ამ მიზნის მისაღწევად კი, როგორც აღვნიშნეთ, გლობალური ომის პარტია ევროკავშირის სტრუქტურებს და ცალკეულ ბიუროკრატებს იყენებს. კიდევ ერთხელ მკაფიოდ უნდა ვუთხრათ საზოგადოებას – საქართველოში მეორე ფრონტის გახსნის სურვილი იმდენად დიდია, რომ გლობალურმა ომის პარტიამ მთელი ევროპული ბიუროკრატია საქართველოზე თავდასხმის რეჟიმში გადააწყო, ხოლო ბერკეტად უვიზო მიმოსვლის გაუქმებას, მათ ხელში დარჩენილ ბოლო კოზირს განიხილავს. ჩვენი ქვეყნის ომში ჩართვის მსურველები ფიქრობენ, რომ თუ ევროკავშირთან უვიზო მიმოსვლას თუნდაც მოგონილი საფუძვლით გააუქმებენ, საზოგადოებაში ამას იმ დონის მღელვარება მოჰყვება, რაც საბოლოოდ ხელისუფლების დამხობით და ქვეყნის სათავეში აგენტურის მოყვანით დასრულდება.

რაც შეეხება ომის საფრთხეს – არავითარი ღრმა ანალიზი არ სჭირდება იმის დანახვას, რომ ეს საფრთხე არსად წასულა – თქვა ირაკლი კობახიძემ დღეს,  18 ივლისს. 

საპირისპიროს ამტკიცებდა 2 დღის წი მამუკა მდინარაძე:

“დარწმუნდნენ, რომ ჩვენ ომში არ ჩავერთვებით, გამორიცხული ამბავია. ჩვენს მიმართ, რაც ადრე კულისენში, ან ღიად იყო – მოწოდებები: აბა, ბიჭებო და გოგოებო, ახლა წადით და შევარდით ან ცხინვალის რეგიონში ან აფხაზეთში, ასეთი მოწოდებები აღარ ისმის. 

დაგიდასტუირებთ, რომ ადრე რაც კულისებში ხდებოდა, ის აღარ ხდება. არავინ გვეუბნება, რომ თქვენ ომი დაიწყეთო” – თქვა 16 ივლისს “იმედის” ეთერში.