ჟურნალისტი, ბერდია კალანდია, ქართული ოცნების დეპუტატს, თენგიზ შარმანაშვილს პასუხობს და წერს:
ჩემი პასუხი თენგიზ შარმანაშვილს: “გია ხარჩილავამ მთლიანად შეცვალა წალენჯიხელების აღქმა სამყაროზე”
თენგიზ შარმანაშვილი დღეს „ქართული ოცნების“ დეპუტატია, ანუ იმ პარტიის წარმომადგენელი, რომელმაც ქვეყანა გაყინა და ხალხი უფსკრულის პირას მიიყვანა.
თუმცა, ყველამ კარგად იცის, რომ ბატონი შარმანაშვილი „ყველა მატარებელში“ მჯდარა: იყო ედპ–შიც, მიშას დროს ელჩადაც მუშაობდა სომხეთში და დღეს „ქოცების“ რიგებშია, მაგრამ მოდით, წარსულზე ნუ ვისაუბრებთ – ამას სხვა დროსაც მივხედავთ.ახლა კი იმაზე ვილაპარაკოთ, როგორ შეუძლია ადამიანს თვალსა და ხელს შუა მოიტყუოს, ესაო, ისაო, წალენჯიხაში არაფერი გაკეთებულა, გარდა ხიდისა და გასაბერი ავზისაო…
ბატონო თენგიზ, ეს განცხადება ან გულგრილობის შედეგია, ან ცუდი ინფორმირებულობის. ან ორივესი ერთად.
როგორ უნდა ამბობდეთ თქვენ, „ოცნების“ პარლამენტის დეპუტატი, რომ „არაფერი გაკეთდა“, როცა თქვენი პარტია წლებია, ქვეყანას მართავს და ხალხს ყველაფრის გაკეთება საკუთარი ძალებით უწევს?!
წალენჯიხა თქვენთვის შეიძლება ხიდია და წყალი, ჩვენთვის კი – ერთადერთი ქალაქია, სადაც:
• ადამიანები თავისუფლად ირჩევენ
• ხელისუფლება პარტიული არაა
• ქალაქი ილუზიებით კი არა, რეალური საქმეებით იმართება.
თქვენ რომ ამბობთ, ხრიკებს მოიგონებენ, რომ არჩევნებზე არ გავლენო, ხრიკი სწორედ ის იყო, რაც წლების განმავლობაში თქვენ აკეთეთ: ხალხს არჩევანის უფლება წაართვით და მერე გიკვირთ, ის, რაც ბოლო თვეებია, ქუჩაში ხდება, რატომ ხდებაო.
ჰოდა, ახლა, თვალი გადაავლეთ ამ ჩამონათვალს და კარგად დაიმახსოვრეთ, რა გაკეთდა წალენჯიხაში ბოლო ოთხი წლის განმავლობაში.
ისე, კარგი იქნება, თუ სიმართლეს თვალს ოდნავ მაინც გაუსწორებთ.
და, აი, გაკეთებული საქმეების არასრული სიაც:
1. პირველკლასელთა უფასო კვების მუნიციპალური პროგრამა;
2. აუტიზმის რეაბილიტაციის ცენტრი;
3. გაუსაძლისი პირობების მქონე პირთა საცხოვრისით უზრუნველყოფა;
4. სტუდენტების დასაქმების საზაფხულო, ანაზღაურებადი პროგრამა;
5. ტერენტი გრანელის დღესასწაულის აღდგენა;
6. ტერენტი გრანელის ნახატების ერთ წიგნად გამოშვება;
7. საერთაშორისო ლიტერატურული ფესტივალის “გრანელის” დაარსება;
8. წალენჯიხის მთელი მუნიციპალიტეტის სატრანსპორტო დაქსელვა;
9. ოკუპირებული გალიდან ბავშვების საბავშვო ბაღებსა და სკოლებში ტრანსპორტით უზრუნველყოფა;
10. კოალიციის შექმნა, რომელიც ისტორიულია და ამ კოალიციაში შემავალი პარტიების მხრიდან სხვადასხვა საქმსი ხელშეწყობა – საუბარია, მამუკა ხაზარაძის, კოკა თოფურიას და სხვების მხარდაჭერით ჯვარის სტადიონის, ბიბლიოთეკის რეაბილიტაციაზე;
11. ჭადრაკის სასახლის რეაბილიტაცია;
12. იუვენტუსის აკადემიის გახსნა;
13. ნიკო კვარაცხელიას სახელობის IT სკოლის დაარსება;
14. არტ-მეურნეობის ამოქმედება;
15. ოთარ ეგაძის თეატრალური სარდაფის გახსნა;
16. ქალაქ ჯვარში ფეხბურთის ხელოვნურსაფარიანი თანამდეროვე სტანდარტების სტადიონის აშენება;
17. წალენჯიხის ცენტრალურ საფეხბურთო მოედანზე ახალი სტადიონის მშენებლობის დაწყება;
18. დანიელ ფიფიას სახლ-მუზეუმის შექმნა;
19. სტატუსშეჩერებული წალენჯიხელი სტუდენტების აღდგენა საქართველოს უნივერსიტეტში;
20. წარჩინებულ სტუდენტთა სტიპენდია;
21. სოფლის უფასო ტრანსპორტი;
22. მაცხოვრის ტაძრის 1000-წლოვანი ღონისძიებები და ორ ენაზე გამოცემული წიგნი;
23. სოფლებში ჭაბურღილების გაყვანა და მოსახლეობისთვის წყლის მიწოდება
24. საბავშვო ბაღებში ბავშვების კვებით უზრუნველყოფის ღირებულება მენიუს გამრავალფეროვნების შესაბამისად, 7,5 ლარამდე გაიზარდა;
25. ტერენტი გრანელის უბის წიგნაკი;
26. დანიელ ფიფიას მეგრულენოვანი ლექსების კრებული;
27. არტ-ფესტივალი
სამხატვრო საკვირაო სკოლა;
28. დოინჯაშვილის მუსიკალური სკოლა;
29. ბიბლიოთეკების რეაბილიტაცია მუნიციპალიტეტის მასშტაბით;
30. ტურიზმის ცენტრი;
31. სპორტის სასახლის რეაბილიტაცია;
და ა.შ. ბატონო თენგიზ!
სხვათა შორის, გია ხარჩილავამ მთლიანად შეცვალა წალენჯიხელების აღქმა სამყაროზე! ეს ისე, ცნობისთვის!
მოკლედ, ბატონო თენგიზ, სანამ წალენჯიხაზე დაიწყებთ ლაპარაკს, პირჯვარი სამჯერ გადაიწერეთ და არასოდეს დაგავიწყდეთ, რომ წალენჯიხაში საქმეს ვაკეთებთ და თქვენ კი არ გგავართ, 12 წლის განმავლობაში ასი კი არა, ერთი ქარხანაც რომ ვერ ააგუგუნეთ!
კომენტარები