“აი, ამას ქვია დახვეწილი აღმოსავლური დიპლომატია” – რა უთხრა ალიევმა ერდოღანს? – ბატიაშვილი

კამერებმა ის მომენტი დააფიქსირეს, როდესაც ალიევი ერდოღანს ეუბნება: “მე მას (ირანის პრეზიდენტ ფეჟეშკიანს) ვუთხარი, რომ მესუთ ბეი, ნუ მორცხვობთ, თქვენ მშობლიურ მიწაზე იმყოფებით”;

საქმე იმაშია, რომ ყარაბაღის ომში გამარჯვება საყოველთაო აღფრთოვანებისა და სიამაყის წყაროდ იქცა არამხოლოდ აზერბაიჯანის მოქალაქეებისთვის, არამედ ირანში მცხოვრები მილიონობით ეთნიკური აზერბაიჯანელებისთვისაც, რასაც ეროვნული გრძნობების გარკვეული გამოღვიძებაც მოჰყვა. ხოლო ირანის ისლამური რესპუბლიკის პრეზიდენტი მასუდ ფეჟიშკიანი ეთნიკურად აზერბაიჯანელია;

ისიც გასათვალისწინებელია, რომ ალიევმა ეს თქვა აზერბაიჯანულ ენაზე, რომელიც სამივე პრეზიდენტს შესანიშნავად ესმით. ამითაც ხაზი გაუსვა იმ ფაქტს, რომ რეგიონში მცხოვრებ ადამიანებს (და მათ შორის, ლიდერებსაც) საერთო ენა აქვთ;

ამით ჟესტით ალიევმა არამხოლოდ ხაზი გაუსვა ყველა აზერბაიჯანელის ერთიანობის საკითხს, არამედ მიანიშნა ირანელებს, რომ მათ ქვეყანაში უამრავი აზერბაიჯენელი (მათ შორის, მაღალი თანამდებობის პირები) ცხოვრობს, რომელთათვისაც აზერბაიჯანის რესპუბლიკა მშობლიური მიწაა. თან ეს ისე გააკათა, რომ ფეჟეშკიანის ეთნიკურობა საერთოდ არ უხსენებია და ვერცერთი ირანელი ვერ შემოედავება მას ამ ამბავში;

რა თქმა უნდა, ისიც გასათვალისწინებელია, რომ მან ეს იმ მომენტში თქვა, როდესაც კამერები ჩართული იყო და შესანიშნავად იცოდა, რომ ყველა ნახავდა და მოისმენდა ამ ფრაზას;