მოსამართლე თამარ მჭედლიშვილმა ირაკლი ოქრუაშვილი წულუკიანის კომისიაზე არგამოცხადების გამო დამნაშავედ ცნო და 8 თვით ციხეში გაუშვა.
ამასთან, თავდაცვის ყოფილ მინისტრს აეკრძალა 2 წლის ვადით თანამდებობის დაკავება. ირაკლი ოქრიაშვილი სხდომას არ ესწრებოდა, მას არც საბოლოო სიტყვის უფლებით უსარგებლია.
„ეს განაჩენი, არსებული პრაქტიკის გათვალისწინებით განჭვრეტადი იყო, თუმცა ეს იმას არ ნიშნავს, რომ განაჩენი დასაბუთებული იქნება, ან მის კანონიერებას ვეთანხმებით. აღნიშნული საგამოძიებო კომისიის შექმნის პროცესში დარღვეულია კონსტიტუციური ნორმები, რეგლამენტი, რომელიც სრულ საფუძველს აძლევდა სასამართლოს გამამართლებელი განაჩენი გამოეტანა. რაც შეეხება გასაჩივრებას, ეს პროცედურები უნდა გავიაროთ, გვაქვს თუ არა მოლოდინები, ამას მნიშვნელობა არ აქვს, რადგან შემდეგ ევროპულ სასამართლოში დავა გავაგრძელოთ”,-განაცხადა ოქრუაშვილის ადვოკატმა მამუკა ჭაბაშვილმა განაჩენსი გამოცხადების შემდეგ.
კომენტარები