ეუთოს საპარლამენტო ასამბლეა 2025 წლის ანგარიშის სამუშაო ვერსიას აქვეყნებს, სადაც აღნიშნულია, რომ ორგანიზაცია საქართველოს ყველა პოლიტიკური პატიმრის დაუყოვნებლივ გათავისუფლებისა და ახალი, თავისუფალი და სამართლიანი არჩევნების ჩატარებისკენ მოუწოდებს.
ანგარიშში „ღრმა შეშფოთებას“ გამოხატავს 2024 წლის საპარლამენტო არჩევნებთან დაკავშირებით და წერს, რომ ეუთოს დემოკრატიული ინსტიტუტებისა და ადამიანის უფლებათა ოფისის (ODIHR) მისიამ „არაერთი შეუსაბამობა გამოავლინა საარჩევნო პროცესში“.
მივესალმებით ეუთოს ვენის მექანიზმის ამოქმედებას 2024 წლის 26 ოქტომბრის საპარლამენტო არჩევნების შემდეგ საქართველოში მასობრივი საპროტესტო აქციების საპასუხოდ, რომლებიც, ODIHR-ის არჩევნების სადამკვირვებლო მისიის საბოლოო ანგარიშის თანახმად, რამდენიმე შეუსაბამობით გამოირჩეოდა, აღიარებს ამ მექანიზმის მნიშვნელობას ადამიანის უფლებებთან, დემოკრატიულ პროცესებთან და კანონის უზენაესობასთან დაკავშირებული შეშფოთების მოსაგვარებლად და მოუწოდებს დიალოგისა და თანამშრომლობის გაგრძელებისკენ ფუნდამენტური თავისუფლებების დაცვის უზრუნველსაყოფად, ძირითადად ყველა პოლიტიკური პატიმრის დაუყოვნებლივი გათავისუფლებისა და ახალი, თავისუფალი და სამართლიანი არჩევნების ჩატარების გზით, რომლებიც ნამდვილად ასახავს ქართველი ხალხის ნებას,” – წერია ანგარიშში.
ეუთოს საპარლამენტო ასამბლეის სესიაზე „ქართული ოცნებას” ნიკოლოზ სამხარაძე, მაია ბითაძე და ლევან მახაშვილი წარმოადგენდნენ.
კომენტარები