“ოცნებამ” ომი საქართველოში დაპატიჟა – ვასოცირდებით როგორც ირანის პოტენციური პარტნიორები” – გიორგი თავდგირიძე

დიდი ომი, ახალი მინი სამხედრო ბლოკები, ახალი მკვლელობები, საავიაციო დარტყმები, სახმელეთო ოპერაციები, ეკონომიკური და ლოგისტიკური ხაზების მნიშვნელობის ზრდა სამხედრო კონტექსტში, უამრავი ტრაგიკული მოვლენა, ბევრი გამარჯვება და მარცხი, წარმატებული თუ წარუმატებელი ოპერაციები, მოკლედ რეგიონში ტექტონიკური ძვრების პერიოდი დგება. ამ რეგიონში კავკასიაც ორგანულადაა ჩახლართული, საქართველოც და კავკასიაც.

ყველაფერი ერთ სტატუსში ვერ ჩაეტევა, მაგრამ ოცნების გაუზრებელი და მავნებლური პოლიტიკის გამო ამ ომებში ჩვენ მოკავშირეების გარეშე ვართ. ამასთანავე, ვასოცირდებით როგორც ირანის პოტენციური პარტნიორები. ოცნებამ ყველაფერი გააკეთა, რომ საქართველო ამ ომებს ვერ გამიჯნოდა, მშვიდობის სახელით ომი საქართველოში დაპატიჟა. ამას ვეღარ გამოვასწორებთ.

თუმცა, ოცნების სიბრიყვე, მარტო საქართველოს მიმართ მავნებლობაში არ არის. ოცნების მეტნაკლებად მნიშვნელოვანი ლიდერები ყველაზე სასტიკი დაპირისპირების, ძლიერი მხარის სპეცსამსახურების სამიზნებად არიან ქცეულები. იმდენად ბრიყვები არიან, რომ დიდი ბიჭების თამაშებში შეყვენ თავები, თან ისე, რომ არც უკან დასახევი გზა აქვთ და არც გულშემატკივარ-მყვარებელი, პატრონიც არ ყავთ, მათი უსაფრთხოება რამენაირად რომ უზრუნველყონ.