„ქართული ოცნების“ დეპუტატმა ნინო წილოსანმა ჟურნალისტის შეკითხვას, რომელიც მისი საჩივრის საფუძველზე სასამართლოში დაბარებული პირების საკითხს შეეხებოდა, უპასუხა და განაცხადა, რომ იცის, სასამართლო არავის დაიჭერს, არადა, კანონის მიხედვით, გარდა ჯარიმისა, მუხლი ითვალისწინებს 45–დღიან პატიმრობას.
საიდან იცის წილოსანმა, რა გადაწყვეტილებას მიიღებს მოსამართლე, თუ კანონს არც კი იცნობს და არც ის იცის, რომ 45 დღიან პატიმრობასაც ითვალისწინებს, უცნობია.
“არავის არ დაიჭერენ – ამისთვის არის ადმინისტრაციული ჯარიმა. ჩემზე წარმოდგენა [სასამართლოში დაბარებულ ადამიანებს] არ უნდა შეეცვალოთ, რა თქმა უნდა, მათ აქვთ უფლება იფიქრონ ისე, როგორც ფიქრობენ, მაგრამ ამ ყველაფერს უნდა ჰქონდეს კორექტული და კრიტიკის ფორმა და არა შეურაცხყოფის… როდესაც ადამიანის შეურაცხყოფას და ზიზღის გენერირებას ახდენ, აუცილებლად უნდა იცოდე რა კანონი მოქმედებს არამხოლოდ საქართველოში, არამედ ევროპის სხვა ქვეყნებშიც. თქვენ რომ ცოტა მაინც დაიხარჯოთ ამ სიუჟეტის მომზადებისას და ელემენტარულად ნახოთ სხვა ქვეყნების მაგალითი – მაგალითად როგორ დაასანქცირეს 12 000 ევროთი საფრანგეთში ქალი, რომელმაც მაკრონს ნაგავი უწოდა…
თქვენც შეგიძლიათ [საჩივრის დაწერა]- ვისაც აღნიშნული მუხლი აქვს დარღვეული ყველას შეგიძლიათ უჩივლოთ, მე ხომ თქვენს ნაცვლად ვერ ვუჩივლებ?“ – განაცხადა წილოსანმა.
სოციალურ ქსელში, „ქართული ოცნების“ წარმომადგენლებთან დაკავშირებით დაწერილი სტატუსების გამო თბილისის საქალაქო სასამართლოში ჟურნალისტები, პოლიტიკოსები და სამოქალაქო აქტივისტები დაიბარეს.
კომენტარები