“მაპატიოს კომისიამ მაგრამ ასეთ ზედაპირულ განხილვას “ორი გვამის” საქმის მე არ ველოდი” – ლიკა გამრეკელი

სამოქალაქო აქტივისტი, ლიკა გამრეკელი:

ოთანაძე, ამირიძის არ მიწვევა კომისიაზე ნიშნავს რომ დეტალურად ვერ იქნებოდა განხილული ეს საქმე, რადგან ისინი იყვნენ მონაწილეები უშუალოდ, რომლებიც სასწაულებრივად გადარჩნენ.

მაგალითად ოთანაძის გათიშვა რომ ხელების დახვრეტამ გამოიწვი არავის უხსენებია, ან როგორ ახსენებდნენ თუ იქ არ იჯდებოდა თვითონ.

რატომ მოკლეს გია კრიალაშვილი, მიზეზი და დეტალები მისი არაადამიანური მკვლელობის არავის მოუყოლია.

აუცილებლად უნდა ყოფილიყო ამ საქმის განხილვაზე მიწვეული ლია კრიალაშვილი, რომ დეტალურად მოეყოლა როგორ და რა პირობებში გაიგო ოჯახმა გიას გარდაცვალების და იმის შესახებ თუ რა აბსურდში სდებდნენ ბრალს.

ამიტომ მაპატიოს კომისიამ მაგრამ ასეთ ზედაპირულ განხილვას “ორი გვამის” საქმის მე არ ველოდი, ეს იმის ფონზე რომ მთელი 12 წელია ამ ვიდეოს წინასაარჩევნოდ ატრიალებთ და კიდევ მეტად უხსნით ჭრილობებს ოჯახს, რომელიც დღემდე ეძებს სამართალს.

გია კრიალაშვილის ჩაცხრილვის დეტალებზე აქ არ ვისაუბრებ რადგან საქმე არათუ დასრულებული, არამედ თაროზეა შემოდებული.

პირადად ვიცნობ კობა ოთანაძესაც და ლევან ამირიძესაც, რომლებიც ჩემი ქვეყნისთვის სამაგალითოდ თავდადებული ადამიანები არიან და ვიცი რა და როგორ მოხდა პირადად მათი მონაყოლით.