“სიმართლე არის შემდეგი…” – ნიკა მელია

კოალიცია ცვლილებებისთვის ერთ–ერთი ლიდერი, ნიკა მელია:

სალომე ზურაბიშვილმა ძალიან ბუნდოვანი პოზიცია დააფიქსირა რუსთაველზე ადგილობრივ არჩევნებში მონაწილეობა არმონაწილეობასთან დაკავშირებით და კიდევ უფრო მეტი კითხვა გააჩინა. მინიმუმ ის კითხვა გააჩინა, ეს მისი პირადი პოზიცია იყო, თუ მის გარშემო შემოკრებილი პარტიების პოზიცია. მხოლოდ რამდენიმე პარტიაა, ვინც გამორიცხავს სამართლიანად, სახელად – ადგილობრივი არჩევნების მიღებას, შეჯიბრობითობას – ეს არის ფარსი. სხვა პარტიებს პოზიცია დაფიქსირებული უბრალოდ არ აქვთ.

დღეს დილიდან გახარიას პარტია საუბრობს იგივეს, არ გამორიცხავს მონაწილეობას (ადგილობრივ არჩევნებში) და ამას დაემატა პარტია ლელო, რომელმაც მოგვიწოდა საჯარო დებატებისკენ და ამ საკითხის გარშემო დისკუსიის გახსნისკენ – ანუ, ვისაუბროთ, ვიდებატოთ ადგილობრივ არჩევნებში მივიღოთ მონაწილეობა, თუ არაო. ესაა პარტია ლელოს დაფიქსირებული პოზიცია. 

არადა, თვეების განმავლობაში ამაზე ვსაუბრობდით, მეც პირადად და პასუხად ვიღებდით, რა დროს ამაზე საუბარია, ივანიშვილის სცენარია, თუკი ჩვენ ვისაუბრებთ ადგილობრივ არჩევნებეო. სულ რაღაც 1 კვირის წინათაც, ეს პასუხები იყო.

სალომე ზურაბიშვილმაც უნდა თქვას, ძალიან დიდი პატივისცემა ყველას, პოლიტიკურ პარტიებს, ზურაბიშვილს, მაგრამ სიმართლე არის შემდეგი, ბუნდოვანებას დაემატა მეტი ბუნდოვანება. საზოგადოება იმსახურებს ახლა პასუხს, ზურაბიშვილმა ეს უბრალოდ მისით თქვა, ისიც ნაძალადევად და არ იყო შეთანხმებული პარტიებთან, თუ ეს იყო შეთანხმებული და პარტიები მის პლატფორმაზე სხვაგვარად ფიქრობენ?

პოლიტიკური მკაფიოობის გარეშე პოლიტიკური ცვლილებების მოხდენა არის შეუძლებელი., ამიტომაცაა მნიშვნელოვანი მკაფიოობა.