“არ დამინახავს ვინ მესროლა ქვა” – კიდევ ერთი მოწმე, ხელს ვერც ერთ დაკავებულს ადებს

„ყველა ვხედავდით, რომ აქცია მიმდინარეობდა, მშვიდობიანს, ალბათ, ვერ დავარქმევდით, იმიტომ, რომ იყო ძალიან აგრესიული შეძახილები, იყო პერიოდულად მაშხალების სროლა, ძალიან უწმაწური სიტყვებით გამოთქმები. გავნაწილდით ამ ლოკაციაზე. მთლიანად აქციაზე ვერ ვიტყვი, რომ იყო მარტო აგრესია, იყვნენ აქციის მშვიდობიანი მონაწილეები, რომლებიც არ გამოხატავდნენ აგრესიას, მაგრამ იყო გარკვეული ნაწილი, დაახლოებით, 200-300 კაცი, სულ იგინებოდნენ, გამომწვევად იქცეოდნენ. პერიოდულად ხდებოდა პატარა ნივთების სროლა, რასაც შეიძლება, დაზიანება არ მოეყენებინა.

ასე 10 ხდებოდა, როცა ისეთი ნივთების სროლა დაიწყეს, წვეტიანი რკინის ნაჭრები, ქვა, მასიურად. ბევრი წამოვიდა, რაღაცებს ვიცილებდით, მაგრამ ერთი ქვის ნაჭერი მომხვდა თავის არეში, შუბლის არეში, გახეთქილი მქონდა, სისხლი ჩამომდიოდა თავზე…

მე ახლა ვერც დავადასტურებ, რომ ეს ხალხი, პირადად ამათ ისროლეს და ვერც უარვყოფ. ჩემი აზრით, რადგან ბრალი ედებათ ძალადობრივი ჯგუფის ქმედებაში და ვისაც მონაწილეობაში, თუ დაუდასტურდათ, სასამართლოს პრეროგატივაა, აუცილებლად მექნება პრეტენზია. ზოგადად ძალადობაზე პრეტენზია ყოველთვის მაქვს, ვგმობ და არა მარტო მოქალაქეების მიმართ და ჩვენს მიმართ, ასევე ნებისმიერი, ვინც ძალადობას ჩადის, ძალიან წინააღმდეგი ვარ. აუცილებლად უნდა დაისაჯონ ისე, რაც კანონითაა გათვალისწინებული.

კონკრეტულად მე ახლა ვერ ვიტყვი, არიან ესენი ან არ არიან, მაგრამ ვინც ამას სჩადის, პრეტენზია აუცილებლად მექნება.

მოწმე: დანახვით არ დამინახავს, არ დამინახავს, ვინ მესროლა“.