“მოქალაქეობის მინიჭების უამრავი თხოვნით მიმართა ასევე წინა პრეზიდენტს, მაგრამ უარი მიიღო – რატომ?” – დათო გამცემლიძე

ჟურნალისტი, დათო გამცემლიძე:

ბინძური და გულისამრევი. ვისიც არ უნდა იყოს და რა მიზანსაც არ უნდა ისახავდეს.

პროპაგანდა არ არის მხოლოდ ის, რასაც გეუბნებიან.

ხშირად პროპაგანდა ისიცაა, რასაც არ(!) გეუბნებიან.

პროპაგანდა არ არის მხოლოდ ის, რასაც გიჩვენებენ.

ხშირად პროპაგანდა ისიცაა, რასაც და როდესაც არ (!) გიჩვენებენ.

აი კლასიკური მაგალითი:

სასამართლომ გადაწყვიტა ქვეყნიდან გააძევოს „მედროშედ“ წოდებული თემურ ქათამაძე.

ეს გადაწყვეტილება სასამართლომ იმ გარემოებაზე დაყრდნობით მიიღო, რომ თემურ ქათამაძე (ალბათ ძალიან ღირსეული ადამიანი და კარგი ქართველია. ვინც იცნობს და იცის, უკლებლივ ყველა ასე ახასიათებს-დ.) არ არის საქართველოს მოქალაქე.

მოქალაქე რომ ყოფილიყო, თემურ ქათამაძეს სასამართლო ვერ დაადეპორტებდა.

ხოლო მოქალაქე არ არის იმიტომ, რომ „მუდრეგმა“, „ოხერმა“, „რუსულმა“ „ჩელიაბინსკმა“ „ოცნების“ ხელისუფლებამ და მისმა პრეზიდენტმა, – ასევე „მუდრეგმა“, „ოხერმა“ „რუსმა“ ყაველაშვილმა მას მოქალაქეობა არ მიანიჭა მიუხედავად მრავალგზის თხოვნისა.

გასაგებია ხომ?

კი ჯოგისთვის ყველაფერი გასაგებია;

მაგრამ……მაგრამ…..

რა ვქნა, მიჩნდება კითხვა:

ამ ღირსეულმა ქართველმა და ღირსეულმა ადამიანმა მოქალაქეობის მინიჭების უამრავი თხოვნით მიმართა ასევე წინა პრეზიდენტს, მაგრამ უარი მიიღო.

რატომ? ამ კითხვას არ სვამენ, იმ პრეზიდენტს („ახლაც მე ვარ პრეზიდენტიო“, რომ გაიძახის) ამას არ ეკითხებიან და ამ ფაქტის შესახებაც კი არ გეუბნებიან ისინი, ვისაც როცა სჭირდებათ არაფერი გამოეპარებათ, როცა სჭირდებათ ნებისმიერს ჩაუსაფრდებიან – პირში მიკროფონს ჩათხრიან და როცა სჭირდებათ ყველა კითხვას სვამენ ღიად, ეთერში, ხმაურიანად, სკანდალურად და აჟიტირებლად.

აპოკალიფსურად ანთებული თვალებით.

ისევ და ისევ, ამის შესახებ არ გვეუბნებიან, ამ კითხვას არ სვამენ, რაკი….. „ჯოგი ხარ“ და არ არის აუცილებელი ზედმეტი საზრისებით „გაგართულონ“.

ჰო: „ახლა ამის დრო არ არის“.

ჯოგი ხომ მარტივია და პრიმიტიული.

რასაც „დაუდებენ“, უფრო ზუსტად „დაუყრიან წინ“, ის უნდა მიირთვას.

როგორც როდესაც და რასაც „განუსაზღვრავენ“

თორემ თუ „არაშავთეთრი“ საზრისებით „დაეხმარებიან“, აზროვნების უნარს აღუძრავენ, მერე…..მერე….. შესაძლოა რაღაც კითხვები თავადაც გაუჩნდეს და კიდევ უარესი – სხვა კითხვებიც გაუჩნდეს.

„ახლა ამის დრო რომ არ არის“ – ისეთი.

აბა რა საჭიროა ასე გაურთულონ მარტივი და გასაგები რეალობა? ის ხომ ჯოგია!

ამდენად, რაკი უსაზრისო ჯოგად მიაჩნიხარ, რაც საჭიროა (ამას თავად წყვეტენ) მხოლოდ იმას გეუბნებიან…… რა კითხვებიც „სჭირდება“ ჯოგს (ამასაც თავად წყვეტენ), მხოლოდ იმ კითხვებს სვამენ.

დიახ, ისინი წყვეტენ და არა შენ თავად.

რაკი იციან, თვითონ, დამოუკიდებლად ამდენს ვერ „მოტვინავ“

ჰოდა მე, პირადად, სულაც არა ვარ სხვებზე ჭკვიანი;

მილიონობით კი არა და….. შესაძლოა მილიარდობით ჩემზე ჭკვიანი ადამიანია დედამიწაზე.

მაგრამ….მაგრამ…….მე არა ვარ ჯოგი!!