ეკა ბესელიამ ციხეში რეჟიმის ტყვეები – გიორგი ჩიკვაიძე, ანდრო ჭიჭინაძე და ზვიად ცეცხლაძე მოინახულა.
დღეს ვინახულე გიორგი ჩიკვაიძე, ანდრო ჭიჭინაძე და ზვიად ცეცხლაძე საპატიმრო დაწესებულებაში :
დავიწყებ გიორგი ჩიკვაიძით , რადგან დღეს მისი ჯანმრთელობის მდგომარეობა ძალიან საყურადღებოა და სახიფათოა უმოქმედობა მისი სიცოცხლისათვის.
ეტლით გადაადგილდება და აღენიშნება ისეთი გაუარესება , რომ უსწრაფესად გადასაყვანია და გამოსაკვლევია სპეციალიზირებულ სამედიცინო დაწესებულებაში.
აუცილებელია შეეცვალოს მოსამართლის მიერ ჩიკვაიძის პატიმრობა , რომელიც დასჯის მიზნით გამოიყენეს .
აუცილებელია სრული მონიტორინგი მის საქმეზე , რომელიც აშკარა პოლიტიკურ ინტერესს ატარებს !
მას ბევრი ინფორმაცია აქვს და აშინებთ გიორგის ფაქტორი. უფრო დიდი საფრთხე იქნება თუ მის სიცოცხლეს და ჯანმრთელობას არ დაიცავს ოცნება !
მთელი პასუხისმგებლობა მათ აკისრია !
ანდრო ჭიჭინაძე – ყველა მასთან საუბარი მარწმუნებს ამ უნიჭიერესი ხელოვანის გამორჩეულ წესიერებასა და გასაოცარ ადამიანურ თვისებებში.
იშვიათად მინახავს პატიმრობაში მყოფი ადამიანი ასე უნიკალურად ფლობდეს საკუთარ თავს და იღებდეს განსაცდელს ღირსეულად ….
მას აქვს ისეთი მორალური სიმყარე , ისეთი სიყვარული , რომელსაც ვერავითარი პოლიტიკური სადამსჯელო პროცესი ვერ მოერევა , ვერც კი გაუტოლდება მთელი რეპრესიული სისტემა რომ მომართონ…
სიკეთის , ნიჭის , სამშობლოს სიყვარულის და სიმართლის ბუკეტია და კითხვასაც რომ სვამს , იმ წამსაც გიფრთხილდება ….
მოსამართლემ უნდა დაინახოს ვის ასამართლებს …
19 წლის ზვიად ცეცხლაძე – მომავალი იურისტი, პატრიოტი, ნიჭიერი , გაბედული, უშიშარი – ისე უსწრებს საკუთარ ასაკს , გგონია ბევრ ბრძოლაგავლილ ადამიანს ესაუბრები…
როგორ უნდა გაბოროტდე , რომ ამ ადამიანებს დააბრალო ძალადობა განიზრახეს და ორგანიზებული ჯგუფი შექმნეს ამისთვის …
წარმოუდგენელი სირთულის წინაშე დგას ყველა ის ადამიანი , ვინც სამართლის სახელით ასამართლებს დღეს ამ ადამიანებს !
უკვე დამარცხებულია ყველა, ვინც თხზავს ამ ბოროტებას, რადგან ამ პროცესშივე ჩანს გამარჯვებული
სამართლიანობა თავისთავადი ღირებულებაა, მისი მსახურება თუ უნდა გაცვალო 30 ვერცხლზე – ეს უკვე ვნახეთ !
ქრისტეს აღდგომის მარადიულობის აქტი მხოლოდ რიტუალი რომ გონიათ და კვერცხის ჭახა ჭუხი – იმ ხალხის ხელშია სამართალი …
მათ კი უნდა იცოდნენ, რომ იმ გზაზე ჩინჩალაძის სამართალით არ ზომავენ …”, – წერს ეკა ბესელია სოციალურ ქსელში.
კომენტარები