“ეს არის სირცხვილი და შეურაცხყოფა, ასეთ ვიზიტზე არ უნდა წახვიდე, არ ხდება ასეთი რამ, უბრალოდ არ კადრულობენ” – ბექა კობახიძე

ილიაუნის ასოცირებული პროფესორი ბექა კობახიძე:

ქოცების პირველი ვიცე-პრემიერი და ეკონომიკის მინისტრი, ლევან დავითაშვილი იყო აშშ-ში და ყველაზე მაღალი თანამდებობის პირი, ვისაც შეხვდა, არის სახელმწიფო მდივნის თანაშემწის მოადგილე.

მსგავსი რამ საქართველოს ისტორიაში არ მახსენდება. ეს არის სირცხვილი და შეურაცხყოფა, ასეთ ვიზიტზე არ უნდა წახვიდე. არ ხდება ასეთი რამ, უბრალოდ არ კადრულობენ. დავითაშვილს თან ახლდნენ ფინანსთა მინისტრი და ეროვნული ბანკის პრეზიდენტი. ამ დონის დელეგაციას უნდა შეხვდეს სახელმწიფო მდივანი და/ან ფინანსთა მინისტრი, ხოლო თუ სახელმწიფო მდივნის თანაშემწის მოადგილეს ქართველ მინისტრთან უნდა შეხვედრა, ის თავად უნდა ჩამოვიდეს თბილისში. ასე იყო ყოველთვის.

ამასთანავე, საპროტოკოლო ფოტოზე და კადრებზეც არ დაუდგნენ. ვერ ვნახე ეს ფოტოები ეკონომიკის სამინისტროს ფბ გვერდზე.

ორ ფეხზე დგომა და სიამაყეო, ესენი ამბობენ. მე შემრცხვა.