15 თებერვალს 18:00 საათზე თბილისში ფართომასშტაბიანი აქციისთვის ემზადებიან – ამ თემაზე “სამოქალაქო საზოგადოების” ფონდის ოფისში დამკვირვებელების ბრიფინგი გაიმართა.
როგორც ბრიფინგზე განაცხადეს, მათი მოთხოვნა უცვლელია, გათავისუფლდნენ პროევროპულ აქციაზე უკანონოდ დაკავებული მოქალაქეები და დაინიშნოს ხელახალი არჩევნები.
არასამთავრობო ორგანიზაცია “პრევენცია პროგრესისთვის“ გამგეობის თავმჯდომარემ ტატო ქელბაქიანის თქმით, უწყვეტი პროტესტი ქვეყნისთვის უმნიშვნელოვანესია და ამ შეკრებით რეჟიმს კიდევ ერთხელ აჩვენებს ხალხი, რომ ბრძოლას აგრძელებს.
ყველამ კარგად იცით, რომ საქართველოში არის ოლიგარქის ავტორიტარული მმართველობა, თუმცა ბოლო პერიოდში მიღებული გადაწყვეტილებები, კანონმდებლობა და შეზღუდვები არის პირდაპირი ნაბიჯი რუსული დიქტატურის ჩამოყალიბებისკენ. ეს იქნება უფრო მძიმე რეჟიმი, როდესაც დაპატიმრებები, აღარ იარსებებს შეკრებისა და გამოხატვის უფლება და ფაქტობრივად ქვეყანაში შეიზღუდება სიტყვის გამოხატვა, მედია შეიზღუდება. ქვეყანა საბოლოოდ ჩამოშორდება ევროპულ გზას და გადაიქცევა რუსეთის კოლონიად. ამიტომ ძალიან მნიშვნელოვანია, რომ ეს ჩვენი უწყვეტი პროტესტი გაგრძელდეს და გავაკეთოთ ძალიან დიდი შეკრება, რომელსაც ჩვენ ვგეგმავთ 15 თებერვალს 18:00 საათზე ევროპის მოედანზე. კიდევ ერთხელ გვინდა ვაჩვენოთ, როგორ მოქალაქეებს ასევე ამ რეჟიმს და საერთაშორისო თანამეგობრობას, რომ ქართული საზოგადოება ბრძოლას აგრძელებს და ეს ბრძოლა არ გაჩერდება, სანამ არ იქნება მიღწეული შედეგი, როგორიც არის ახალი არჩევანი და უკანონოდ დაკავებული პირების გათავისუფლება. ამიტომ ყველას მოგიწოდებთ, მობრძანდეთ შაბათს 15 თებერვალს ევროპის მოედანზე”, – განაცხადა ტატო ქელბაქიანმა.
კომენტარები