პარტია საქართველოსთვის თავმჯდომარის მოადგილე, ნათია მეზვრიშვილი, სუსის განცხადებას ეხმაურება და წერს:
ასე მოგვილოცა მანიაკმა ივანიშვილმა სუსის პირით ადამიანის უფლებების დღე – გაემზადეთ, უნდა დაგხოცოთო, დახოცვის პროცესი მობილურით გადაიღეთ და ჩვენ გამოგვიგზავნეთო (რომლებიც 10 დღეა არ გავნძრეულვართ და თქვენს წამებას ვუყურებთო). სხვა არაფერი ჰქვია ამ განცხადებას. თუ „დესტრუქციული ძალები“ გვკლავენ და სუსი უყურებს, ეგეც სუსის მიერ უმოქმედობით მკვლელობაა.
ხოდა თუ თქვენ არ გვკლავთ და ვიღაცეები გვიპირებენ მოკვლას, აბა იმოქმედეთ სახელმწიფო უსაფრთხოების სამსახური / State Security Service Of Georgia. თუ არ იმოქმედებთ, გამოდის, რომ თქვენ გვკლავთ ასეც და ისეც.სპეციალური საგამოძიებო სამსახური • Special Investigation Service საქართველოს პროკურატურა / The Prosecution Service of Georgia გაიგეთ ხომ რას ამბობს სუსი? ეს თუ სუსის მორიგი პროვოკაცია და მუქარა არაა საკუთარი ხალხის მიმართ და თქვენც თანამონაწილე არ ხართ (რაშიც მე ეჭვი არ მეპარება) იმოქმედეთ აბა, დაგვიცავით!
მოქალაქეებს მინდა მოგიწოდოთ და გთხოვოთ, ესენი ყველაფრის მკადრებლები არიან. პროტესტი უნდა გაგრძელდეს მშვიდობიანად, მშვიდობიანად და მშვიდობიანად. არაფორმალურ დაჯგუფებებს არაფორმალური დაჯგუფებები არ უნდა დაუპირისპირდეს. ამ ქვეყანამ ეს გამოიარა და აღარასოდეს უნდა დავუშვათ! ამ ნიღბიან, მწამებელ, ზონდერ დაჯგუფებასთან, რომელსაც „ოცნება“ ჰქვია მორალური უპირატესობა არ უნდა დავკარგოთ.
კომენტარები