“ოპოზიციონერო ლიდერებო, დროა აიღოთ საკუთარ თავზე პასუხისმგებლობაც და რისკიც” – ნიკო მანაგაძე

ამ კაცმა (ივანიშვილმა) იმდენად ფსკერს დაბლა ჩააგდო თამასა, რო სერიოზულ რაღაცებზეც კი ვეღარ ვბრაზდებით.

გავბრაზდეთ კი არა, უნდა გადავაყლაპოთ ეს თავისი თოჯინები და სულ წიხლებით გავტენოთ ამ ქვეყნიდან.

არანაირი პრეზიდენტი. არანაირი პარლამენტი. არანაირი მთავრობა. არალეგიტიმური რეჟიმი უნდა დაემხოს!

14 დეკემბერს, როცა ამ სიგიჟის გაფორმებას ეცდებიან, ყველა ღირსეული და თავმოყვარე მოქალაქე უნდა გამოვიდეს პარლამენტთან და ფიზიკურად ჩაშალოს ეს მასკარადი, რომლითაც განზრახულია ქართული სახელმწიფოს, მისი ინსტიტუციების საბოლოოდ მოკვდინება.

პრეზიდენტმა ზურაბიშვილმა არ უნდა დათმოს ერთადერთი დამოუკიდებელი ინსტიტუცია და სანამ მიტაცებული ძალაუფლება არ დაუბრუნდება ხალხს, სანამ თვითგამოცხადებული არალეგიტიმური რეჟიმი უკან არ დაიხევს და ახალ არჩევნებს არ ჩანიშნავს, რომლის შედეგადაც ქართველი ხალხის რეალური ნების შედეგად არჩეული პარლამენტი აირჩევს ლეგიტიმურ პრეზიდენტს, არ უნდა გამოვიდეს ორბელიანების სასახლიდან.

ოპოზიციონერო ლიდერებო, დროა გამოიყენოთ ნდობის ის მანდატი, რაც მოგანიჭათ არჩევნების შედეგად ხალხმა და აიღოთ საკუთარ თავზე პასუხისმგებლობაც და რისკიც, გაუძღვეთ ამ ხალხს, რომელიც ელოდება თქვენგან ადეკვატური სტრატეგიის შემუშავებას და მისი იმპლემენტირებისთვის ბრძოლის ველზე მოხმობას.

ახალგაზრდები სად არიანო, კითხვა რომ გიჩნდებათ, დაანახეთ საკუთარი ფიზიკური როლი ამ ბრძოლაში და ყველა მოვა. არაპროპორციულ ძალას გამოიყენებენ? – მეორე დღეს ორჯერ და სამჯერ მეტი გამოვა. აბა, როგორ წარმოგიდგენიათ ბრძოლა და ამ რეჟიმის რყევა, საინტერესოა..

მეც მომწყინდა ამდენი მოწოდებები, მაგრამ ვცდილობ იმ იმედით, რომ ამ გადამწყვეტ მომენტში თქვენ გამოფხიზლებას შევძლებ.

ბრძოლას და პერსონალური გამბედაობის მაგალითს რომ აჩვენებთ ქუჩაში, მერე გამოხატეთ პრეტენზია იმ ხალხის მიმართ, რომელიც არ გამოვა და გვერდში არ დაგიდგებათ.

წადით რეგიონებში ეს 2 კვირა, ესაუბრეთ და მოაბილიზეთ საკუთარი აქტივი და ჩაუდექით კოლონას (რეალურს და არა ფეიკს) პირადად სათავეში.

არავინ ჩვენ მაგივრად არ იმოქმედებს დასავლეთიდან, თუ ქვეყნის შიგნით ხალხის ბრძოლა არ ნახეს. უნდა შევეგუოთ ამას.

ვიყოთ ადეკვატურები და ვიმოქმედოთ ადეკვატურად. არავინ გააკეთებს ჩვენ გასაკეთებელს. მხოლოდ დახმარების იმედი შეიძლება გვქონდეს (ბრძოლის პარალელურად) და არა ჩვენ მაგივრად გაკეთების.

ღადაობაც მოსულა, ყველაფერი, მაგრამ რაღაც მომენტში ადეკვატურ ბრაზში და რელევანტურ ნაბიჯებში უნდა გადავზარდოთ, გადავთარგმნოთ, გადავატრანსფორმიროთ ეს ჩვენი რეაქციები.

აგერაა 14 დეკემბერი და ივანიშვილის სათამაშოს უკანონოდ ასარჩევად არალეგიტიმური პარლამენტის მიერ ჩასატარებელი ე.წ. “არჩევნები” (რომელიც, სავარაუდოდ, პარლამენტის შენობაში გაიმართება).

დავორგანიზდეთ, გამოვიდეთ და ძმრად ვადინოთ ყველაფერი ერთად.

მოვრჩეთ ქარაგმებით საუბარს.

ერთ დღეში რეჟიმს ვერ ჩამოშლი, მაგრამ უნდა დაიწყო პროცესი და მიყვე მის განვითარებას.