Post Factum-მა ჩაწერა ინტერვიუ პირთან, რომელმაც თქვა, რომ არჩევნებზე ხმა 30-მდე უბანზე მისცა და ე.წ. კარუსელებში უშუალოდ მონაწილეობდა.
არჩევნების გაყალბების სქემაში ჩართვის შეთავზება გოჩა ჩალაურმა, როგორც ამბობს, გარკვეული მატერიალური სარგებლის დაპირებით, პირდაპირ გორის მერის მოადგილისგან მიიღო. ამ დახმარების ნაწილის გაცემას ბიუჯეტიდან დაპირდნენ, რაც ჩალაურს ისედაც ეკუთვნოდა, როგორც მძიმე ავადმყოფსა და სოციალურად შეჭირვებულს.
“ძალიან ბევრი გაყალბება იყო მომხდარი. ჩემნაირი… აიპების ხალხი იყო კიდევ ბევრი ძალიან, აი, დასაქმებული რომ ჰყავთ, აი, სკვერებს რომ ალაგებენ. ქალები, ისინი იყვნენ ძალიან ბევრნი. [ვიყავით] ახალდაბაში, გორის რაიონები რაც არის რა, თითქმის ყველა სოფელში, არცევი, სათემო, მარანა, ტყვიავი, დიცი და მთელი ხეობა რა.
აი, საარჩევნო უბანთან როცა მივდიოდით, იქ მანქანა მხვდებოდა. წინასწარ უკვე ვიცოდით ნომრები, რა მანქანა იყო. გადავიდოდი იმ მანქანაში, ვეტყოდი, აი, თემურის ხალხი ვართ, 4 ვიყავით მანქანაში, 4 ფურცელი მინდა. თუ ვინმე ქალი გვყავდა მანქანაში, ვეუბნებოდით, 1 ქალი გვყავს, 2 კაცი. ქალისას ცალკე მაძლევდნენ ფურცელს, სახელი და გვარი ეწერა, და პირადი ნომერი, და კაცისას ცალკე. იქა პასპორტს არც უყურებდნენ. მე, მაგალითად, ჩემი პასპორტით შევდიოდი, ვადაგასული იყო საზღვარგარეთის პასპორტი, ფურცელს ნახავდნენ, პასპორტს უკან მაწვდიდნენ, ამ ფურცელზე იწერდნენ ამ პირად ნომერს მაგით ვაგებდით ბიულეტენს…” – ყვება ჩალაური.
Post Factum-თან აღიარებითი ინტერვიუს შემდეგ, “ოცნების” გაყალბებულ არჩევნებში მონაწილე გოჩა ჩალაურმა, დასახელებული გამყალბებლების მხრიდან მის მიმართ ანგარიშსწორების დიდი საფრთხის გამო, ქვეყანა დატოვა და სამკურნალოდ ევროპაში წავიდა. მძიმედ ავადმყოფი პაციენტი, რომელიც საქართველოში ანტიევროპული სპეცოპერაციის იარაღად გამოიყენეს, ახლა საკუთარი შერყეული ჯანმრთელობის და სიცოცხლის გადასარჩენად ახლა სწორედ ევროპაში ცდილობს.
კომენტარები