“რუსეთის წითელი ხაზების აბსურდულობა” – გიორგი კობერიძე

– ყირიმს თუ დაბომბავთ წითელი ხაზიაო, რომ ამბობდა;

– ყირიმის ხიდს თუ დაბომბავთ წითელი ხაზიაო, რომ ამბობდა;

– უკრაინას შემტევ იარაღს თუ მიაწვდითო წითელი ხაზიაო, რომ ამბობდა;

– რუსეთის ტერიტორიას თუ ნებისმიერი იარაღით დაბომბავს უკრაინა წითელი ხაზიაო, რომ ამბობდა;

– რუსეთის ტერიტორიაზე თუ გადმოვა ომი წითელი ხაზი იქნებაო, რომ ამბობდა;

– ფინეთს და შვედეთს, რომ ემუქრებოდა ნატოში შესვლა წითელი ხაზი იქნებაო;

და ასე შემდეგ.

ვიცით რუსეთის წითელი ხაზები.

ყველა ეს წითელი ხაზი გადაიკვეთა.

კრემლს ამ ყველაფერზე საპასუხოდ მხოლოდ მშვიდობიანი უკრაინული ქალაქების დაბომბვის გაგრძელება და ევროპაში საბოტაჟის განხორციელება ძალუძს და აკეთებს კიდეც ამას, მაგრამ ის წითელი ხაზები, რომელიც თითქოს რაიმე დიდი დამანგრეველი და მსოფლიო ომის მომტანი უნდა ყოფილიყო, სინამდვილეში სიცარიელე გამოდგა, სრულიად ლოგიკურადაც, რადგან, ნებისმიერ აგრესორს ეშინია ძალის, წითელ ხაზებს კი სხვების დასაშინებლად იყენებენ ხოლმე.