“ძლიერი საქართველოს” საგარეჯოს ორგანიზაციის ერთ-ერთ ლიდერი, რომელმაც წინასწარი დაკავების იზოლატორი რამდენიმე წუთის წინ დატოვა – ვუსალ კაიბოვი “პირველებთან” ამბობს რომ ხელისუფლების წარმომადგენლების მხრიდან აქტიურ შეთავაზებებს იღებდა, რომ 2024 წლის გადამწყვეტი არჩევნებისთვის ოპოზიციაში ყოფნის ნაცვლად, “ქართული ოცნების” წევრი გამხდარიყო.
“პოლიცია მოვიდა და მითხრეს, რომ ჩხრეკა უნდა ჩაეტარებინათ, რადგან ოპერატიული ინფორმაცია ჰქონდათ, რომ ნარკოტიკი და იარაღი იყო ჩემს სახლში. ეს აბსურდია. იპოვეს ორი დაჟანგებული სანადირო თოფი, რომელიც აქამდე თვალით არ გვინახავს. დაკავებას ცალსახად ვუკავშირებ ჩემს ბოლოდროინდელ პოლიტიკურ აქტივობას. სხვა ახსნა არ აქვს უსაფუძვლო ჩხრეკის ჩატარებას. შეთავაზება უამრავჯერ იყო ადგილობრივი ხელისუფლების მხრიდან, რომ მათ მხარეს გადავსულიყავი. მე უარი ვუთხარი. ავუხსენი, რომ ჩემი პოლიტიკური არჩევანი გაკეთებული მქონდა და საპასუხოდ დამაკავეს”, – ამბობს ვუსალ კაიბოვი.
ცნობისთვის, იორმუღანლოში ვუსალ კაიბოვი, გუშინ, 10 სექტემბერს დააკავეს, თუმცა 24-საათიანი პატიმრობის შემდეგ კოალიცია “ძლიერი საქართველოს” საგარეჯოს ორგანიზაციის ერთ-ერთმა ლიდერმა, ვუსალ კაიბოვმა წინასწარი დაკავების იზოლატორი დატოვა.
გაირკვა, რომ პროკურატურამ ვუსალ კაიბოვისთვის წარდგენილი მუხლი შეცვალა და ახლა მას საქართველოს სისხლის სამართლის კოდექსის 236-ე მუხლის პირველი ნაწილით გათვალისწინებულ სამართალდარღვევას ედავება.
კომენტარები