“ეს ისეთივე ჭეშმარიტებაა, როგორც ის, რომ ოთხკუთხედი ბორბლებით ვერ ივლი” – ჩერგოლეიშვილი

“ტაბულას” დამფუძნებელი, თამარ ჩერგოლეიშვილი:

დღესაც შემთხვევითობაზე ვართ დამოკიდებული იმიტომ, რომ 13 წელია პოლიტიკური კონკურენცია იზღუდება ერთი მხრივ ივანიშვილის რუსული რეჟიმის, მეორე მხრივ სააკაშვილის ეგომანიაკალური პოლიტიკის გამო, რაც მასთან დაპირისპირებული ძალების ძალმომრეობით განეიტრალებას გულისხმობს.

ყველა, ვინც თავისუფალი კონკურენციის შეზღუდვას ამართლებს, ეგუება და არ ებრძვის, რუსული რეჟიმის სასარგებლო იდიოტია.

ეს ისეთივე ჭეშმარიტებაა, როგორც ის, რომ ოთხკუთხედი ბორბლებით ვერ ივლი.

ყველა ფეხის ხმას აყოლილი, ვინც მეუბნება რომ “რა დროს ოპოზიციის კრიტიკაა, როცა რუსეთის გუბერნია ვხდებით” ის სნეულია, რომელსაც კიბო სჭირს, ქიმიოთერაპიაზე უარს ამბობს და ჰომეოპატიურ ნელსაცხებლებში იგანგლება.

რუსეთის გუბერნია იმიტომ ვხდებით, რომ დემოკრატიული ცვლილება ვერ ხდება.

ცვლილება ვერ ხდება იმიტომ, რომ პარტიებს შორის თავისუფალი კონკურენციის გარეშე, დემოკრატია არ არსებობს.

ვაშინგტონ პოსტის ედიტორიალ ბორდს მაინც დაუჯერეთ, თუ ჩემი არ გჯერათ და არც პოლიტიკა გისწავლიათ.

რასაც ვამბობ, არის ჭეშმარიტება.

ეს ჭეშმარიტება მე არ მომიგონია.

ეს რომ ჭეშმარიტებაა იმაზე მეტმა იცის, ვიდრე ხმამაღლა ამბობს – უბრალოდ თავისუფლების დაცვა ღირსეულ ადამიანებს შეუძლიათ და ღირსებებს შორის სიბრძნესთან ერთად გამბედაობაცაა საჭირო.

მე ვიცი, ზუსტად ვიცი, რომ რასაც ვამბობ, ამას ქართველი ხალხის დიდი უმრავლესობა ეთანხმება, უბრალოდ მდუმარე უმრავლესობა თამაშგარეა და მათი ხმაც თამაშგარე რჩება.