ავღანეთში თალიბანმა MMA აკრძალა

ავღანეთში თალიბანმა MMA აკრძალა. ქვეყნის ხელისუფლება მიიჩნევს, რომ სპორტის სახეობა ისლამთან შეუთავსებელია და შარიათ კანონებს ეწინააღმდეგება.

“სპორტის ეს სახეობა შარიათის კანონების გადმოსახედიდან პრობლემატურია. მრავალი ასპექტი ეწინააღმდეგება ისლამის მოძღვრებებს. სწორედ ამიტომ მივიღეთ გადაწყვეტილება ავღანეთში აიკრძალოს MMA”. – წერია ავღანეთის სპორტის სამმართველოს განცხადებაში.

სამმართველოს ერთ-ერთმა წარმომადგენელმა ასევე აღნიშნა, რომ MMA-აკრძალვის მიზეზი “ზედმეტად სასტიკი და ტრავმატულია”.

2021 წელს, აშშ-ს ავღანეთში შეჭრიდან თითქმის 20 წლის შემდეგ ქვეყნის ხელისუფლება კვლავ თალიბანის ხელში ჩავარდა. დაჯგუფებამ ქვეყანა ავღანეთის ისლამურ საამიროდ გამოაცხადა. მათი თქმით, ავღანეთში ომი დასრულდა.

MMA იგივე შერეული საბრძოლო ხელოვნება კონტაქტური სპორტის ერთ-ერთი სახეობაა, რომელშიც მებრძოლებს რინგზე სხვადასხვა საბრძოლო ხელოვნებების ილეთების გამოყენება შეუძლიათ.