“ვიღაცას ორი ცოლი ჰყავდა…” – პერსონალურ მონაცემს გამოვითხოვთ და არ გამოვითხოვთ – ორი განსხვავებული განცხადება ერთ პროცესზე

დღეს უზენაესი სასამართლოს პროცესზე, საჯარო მოხელემ ორი, ურთიერთგამომრიცხავი განცხადება გააკეთა.

განცხადება პირველი:

“საჯარო რეესტრი გამოაქვეყნებს მხოლოდ გადამოწმებულ საფინანსო დეკლარაციებს და არანაირ პერსონალური მონაცემების შემცველი… ზუსტად ამის გამო ჩაიწერა მინისტრის მიერ დამტკიცებულ დანართში, რომ არ მოგვაწოდონ განსაკუთრებული კატეგორიის ინფორმაცია. ჩვენ არათუ არ ვითხოვთ ამ ინფორმაციას, არამედ ვადგენთ, რომ არ მოგვაწოდონ”, – ამბობს იუსტიციის სამინისტროს წარმომადგენელი.

განცხადება მეორე:

“რაც კი მოხდა მეოცე საუკუნეში, ყველაფერი არის დაცული საჯარო რეესტში. ანუ, ვინ იხდიდა ალიმენტს, ვინ არ იხდიდა, ვის ორი ცოლი ჰყავდა, ვის როგორ ჰქონდა ოჯახური მდგომარეობა. ჩვენ ახლა რაიმე განსაკუთრებულს არ აღმოვაჩენთ.

წინასწარ ვერავინ იტყვის საქმის შინაარსის გამიჯვნით, რა ტიპის მონაცემი იქნება საჭირო გამოსათხოვარი. ყველა საქმე არის უნიკალური, განსხვავებული და ერთმანეთისგან დამოუკიდებელი. ბუნებრივია, საქმის შინაარსიდან გამომდინარე შეიძლება დაგვჭირდეს და მეტწილად დაგვჭირდება პერსონალური… დაგვჭირდება თუ განზრახვაა, რომ მოგვატყუონ და ჩვენ ვერ შევასრულოთ კანონით დადგენილი ვალდებულება”, – ამბობს იუსტიციის სამინისტროს წარმომადგენელი, დავით დევიძე.