ფოტო – Reuter
Reuter-ის ინფორმაციით, ლიბანში ჰამასის ერთ-ერთი მაღალჩინოსანი მოკლეს. თავდასხმა ლიბანის სამხრეთით, საპორტო ქალაქ სიდონთან მოხდა.
მოკლული სამერ ალ-ჰაჯი ჰამასის უსაფრთხოების სამსახურის ერთ-ერთ მაღალ თანამდებობას იკავებდა. ის პალესტინელ ლტოლვილთა ბანაკში მუშაობდა.
ღაზის სექტორში მიმდინარე ომის პარალელურად, ისრაელმა ბოლო 10 თვის მანძილზე არაერთი იერიში მიიტანა ჰამასისა და ჰეზბოლას მაღალჩინოსნებზე ლიბანის ტერიტორიაზე.
იანვარში, ისრაელის ძალებმა ბეირუთთან ახლოს ჰამასის მეთაურის მოადგილე, სალეჰ აროური მოკლეს. გასულ კვირას კი ჰეზბოლას მაღალი რანგის სამხედრო მეთაური, ფაუდ შუქრი მოკლეს.
კომენტარები