“როგორ ართმევს ივანიშვილი და ქოცობა ფეხბურთს ქართველ გულშემატკივარს” – ლევან ყურაშვილი

ბლოგერი, ლევან ყურაშვილი:

დღეს, ე.წ. პრემიერმა ირაკლი კობახიძემ განაცხადა, რომ “დინამოს” სტადიონი ამორტიზებულია და იქ ფეხბურთი ვერ ჩატარდებაო.

ოღონდ, ამბავი ისაა, რომ ამ წლების განმავლობაში, სტადიონს რამდენიმე რეკონსტრუქცია ჩაუტარდა, ორიოდე კვირის წინ, Black eyed peas-ის კონცერტია ჩატარებული (ამორტიზებულ ნაგებობაში შევუშვით ხალხი?), მანამდე საბერძნეთთან ერთა ლიგის ფინალი ითამაშა ნაკრებმა და უფრო ადრე, უეფას ევროპის 21 წლამდე ჩემპიონატის მატჩებიც გაიმართა.

აი, ბორის პაიჭაძის სახელობის სტადიონის “ამორტიზება” კიდე, საეჭვოდ ემთხვევა “დინამოსა” და მისი მფლობელის საჯარო პოზიციას რუსულ კანონზე.

ევროპის ჩემპიონატის მერე, ნაკრები პირველ მატჩს გამართავს 25 000-იან “მიხეილ მესხზე.”

აი ასე, პირადი ბოღმის გამო, ივანიშვილი და მისი ბანდა, 30 000 ადამიანს ართმევს საშუალებას, რომ ევროგამოვლილი ჩვენი ბიჭების თამაში, სტადიონზე ცოცხლად ნახონ.