“Холод-ის” მთავარი რედაქტორის თქმით, თბილისში ჩამოფრენის შემდეგ აეროპორტში 7 საათით შეაყოვნეს

საქართველოში შემოსვლასთან დაკავშირებით პრობლემები შეექმნა გამოცემა “Холод-ის” მთავარ რედაქტორს,ჟურნალისტს ტაისია ბეკბოლატოვას. ის აეროპორტში 7 საათის განმავლობაში იცდიდია.

როგორც ჟურნალისტმა “მთავარ არხს” სატელეფონო საუბრის დროს განუცხადა თბილისში ბერლინიდან ჩამოფრინდა, მესაზღვრეებმა ჩამოართვს პასპორტი და დალოდება სთხოვეს, რის შემდეგაც საათები გავიდა:

“უარი არ უთქვამთ, მაგრამ მითხრეს უნდა დაიცადოთო და უკვე შვიდი საათია რაც ველოდები. ამიტომ პასუხი არ მაქვს და არც ჩემი პასპორტი მაქვს. ბერლინიდან ჩამოვედი ღამის ორ საათზე, ყველა საბუთი წესრიგში მაქვს, მათ პასპორტი წაიღეს და მითხრეს დაგველოდეთო, მე ვიფიქრე, რომ ალბათ მაქსიმუმ ერთი საათი მომიწევდა დალოდება, როგორც ადრე, მაგრამ, ამჯერად უფრო დიდი ხანი ველოდები”