“ამ სურათზე ორი ნამდვილი იარაღია მხოლოდ და ორივე – რეგისტრირებული” – უჩა აბაშიძის საქმე

ადამიანები, რომლებიც “ეარსოფტს” აქტიურად თამაშობენ, ამბობენ, რომ იარაღები, რომლებიც შსს-მ უჩა აბაშიძის სახლიდან ამოიღო და შემდეგ ფოტო გაავრცელა, ნამდვილად სათამაშოა. მათი თქმით, მსგავსი იარაღები სახლში აირსოფტის ყველა მოთამაშეს აქვს და ამაში კანონსაწინააღმდეგო არაფერია. ხოლო, ის ორი იარაღი, რომელიც ასევე ამოიღო შსს–მ – ოფიციალურად რეგისტრირებულია.

გამომდინარე იქედან, რომ ოჯახის წევრები და ადვოკატები არ დაასწრო შსს–მ ჩხრეკას, სოციალურ ქსელში, ბევრი ადამიანი გამოთქვამს ეჭვს, ხომ არ ჩაუდეს უჩას იარაღი.