“წამოიყვანეთ შვილიშვილები, მეზობლებსაც უთხარით, საახლობლოსაც” – კალაძე

ივანიშვილის გუნდი აღიარებს, რომ 29 აპრილის აქციისთვის მობილიზება მთელი ქვეყნის მასშტაბით არის დაწყებული.

სხვაგანაც შეუძლიათ აქცია გამართონ, ხელს არავინ არ შეუშლით. რაც შეეხება 29-ის შეკრებას, მთავარი სათქმელი არის საქართველო უპირველეს ყოვლისა. აქცია არის 8 საათზე, სამუშაო საათები მთავრდება 7 საათზე, შესაბამისად, არანაირი პრობლემა არ არის, ადამიანებს შეუძლიათ თავისუფლად გამოვიდნენ. თქვენ გაქვთ მცდელობა, რომ დათრგუნოთ ეს ადამიანები და მე მინდა ყველას მოგიწოდოთ მეგობრებო, არ მოუსმინოთ, იმოქმედეთ, როგორც თქვენი გული გიკარნახებთ. საჯარო მოხელესაც, რა თქმა უნდა, აქვს უფლება და შესაძლებლობა, რომ მოვიდეს და დაესწროს აღნიშნულ შეხვედრას. წამოიყვანეთ თქვენი შვილები, შვილიშვილები, მეზობლებსაც უთხარით, თქვენს საახლობლოსაც, რაც შეიძლება მეტი მოდით. თუ მერიის თანამშრომელს შეუძლია თქვენს მიერ დაორგანიზებულ მიტინგზე მივიდეს, თუ ეს პრობლემას არ წარმოადგენს, რატომ არ შეუძლია ვინმეს ხელისუფლების მიერ დაანონსებულ ზეიმზე და შეხვედრაზე მისვლა? ჩვენ არავის არ ვაიძლებთ. როგორ შეიძლება დღეს, 2024 წელს ვინმე იძულებით სადმე წამოიყვანო”, – ამბობს კახა კალაძე.