კასპში მოღვაწე მღვდელი, ლევან ჯიქური:
რატომ უნდა აპატიო?დიდი მარხვის დასაწყებად, მეხუთე მოსამზადებელი კვირა გახლავთ მიტევების კვირა. უფალი ამ დღეს ბრძანებს თუ ადამიანები აპატიებთ ერთმანეთს ყველა შეცდომას მეც გაპატიებთ, თუ არ აპატიებთ არც მე შეგინდობთ.წარმოვიდგინოთ ნებისმიერმა მამამ, რომელსაც რამოდენიმე შვილი გვყავს, როგორი სასიამოვნოა როცთ მათ შორის სიყვარულს და ერთობას ვხედავთ.და თუ მათში სიძულვილს დავინახავთ, განხეთქილებას, შფოთს ვეუბნევით თუ გინდათ ჩემგან სიყვარული მიიღოთ თქვენც შეიყვარეთ ერთმანეთი. მიუტევეთ ერთმანეთს შეცდომები და შერიგდით.ესე იქცევა მამა ღმერთიც. ეხლა დიდი მარხვა იწყება. როცა ყველაზე მეტად უნდა მოვინანიოთ ცოდვები. ამისთვის მივდივართ ჩვენ მოძღვრებთან და ვამბობთ აღსარებას.მისგან შენდობას კი იესო ქრისტეს სახელით ველით. და ქრისტე რა პირობით მოგიტავებს ცოდვებს? ლოცვით? მეტანიებით? არა. “უკეთუ მიუტევნეთ თქვენცა კაცთა შეცოდებანი მათნი.”ან ცოდვებით სავსემ, უამრავი დანაშაულის ჩამდენმა, როგორ უნდა უთხრა ადამიანს არ გპატიობ შეცდომებს, როცა თავად უცოდველი ღმერთისგან ითხოვ უამრავი ბრალის პატიებას.ქართველებს ფიცხი ხასიათი გვაქვს, ამმტომაა ამდენი მტრობა, შურისძიება, დაყოფა, პოლარიზაცია. და ხშირად ამ დაპირისპისების მიზეზები ძალიან წვრილმანია. ადამიანს ადვილად ვემდურებით. ხან უსაფუძვლოდ და უმიზეზოდახ კი გადავემტერებით. სადაც ესეთი დაძაბული ურთიერთობებია ქრისტე იქ არ სუფევს.მთელი გულით გთხოვთ შემინდეთ ყველამ ჩემი შეცოდებები. თქვენც ყველას სთხოვეთ შენდობა, თუნდაც არ გელაპარაკებოდნენ. თქვენ თქვენი გააკეთეთ, იქნებ იმათაც ეშველოთ
კომენტარები