ოპოზიციას არ აინტერესებს რა ხდება თავდაცვის სისტემაში? – თავდგირიძე

საქართველოს თავდაცვის ძალების  პოლკოვნიკი, სამხედრო ესპერტი, გიორგი თავდგირიძე:

საქართველოში 83% ამბობს, რომ ქვეყნის დასაცავად იბძოლებს — Gallup-ის კვლევა
ერთის მხრივ უპრეცედენტოდ მაღალი მაჩვენებელი და მეორეს მხრივ სამხედრო სავალდებულო სამსახურის აცილება ყველას უნდა, ხოლო საკონტრაქტო სამსახურში მსურველების რაოდენობა ძალიან ცოტაა, დასკვნის გამოტანა რთული არ უნდა იყოს: სამხედრო სავალდებულო სამსახურმა თავისი თავი ამოწურა და ძირეულ რეფორმას მოითხოვს, ხოლო საკონტრაქტო სამსახური, შორს არის პროფესიონალი ჯარისკაცისთვის საჭირო სტანდარტებიდან. გასაგებია, რომ ღარიბაშვილი, ბურჭულაძე, დავით ხიდაშელის აწყობილი შეიარაღებული ძალები თავისი გაურკვეველი ორიენტაციის გენერალიტეტით შორს დგას ნატო-ს სტანდარტებისგან, მაგრამ ოპოზიციას არ აინტერესებს რატომ დავშორდით დეკლარირებულ კურსს და რა ხდება თავდაცვის სისტემაში? თავდაცვის სამინისტროს ახალ მენეჯმენტს სულ უფრო ნაკლები დრო რჩება გაემიჯნოს ღარიბაშვილ-ბურჭულაძის ნამოღვაწარს. თუ უახლოეს პერიოდში განცხადებების დონეზე მაინც არ მოხდება საქართველოს შეიარაღებულ ძალების პრობლემებზე რეაგირება, პასუხისმგებლობის ტვირთი ახალ მთავრობას დააწვება. ძალიან მძიმე ტვირთი. მოშლილი სისტემა უამრავ უმართავ პროცესს დაუდებს სათავეს.