“ჩვენ მაგათ ქუჩა-ქუჩა არ გავეკიდებით, არც უნდა ვსდიოთ” – სანდრო ბრეგაძე 17 მაისის აქციაზე

ვერც ინტერნეტს გამოვურთავთ და ვერც ჰაკერულ შეტევას განვახორციელებთ, – ასე ეხმაურება „ქართული მარშის“ ერთ-ერთი ლიდერი, სანდრო ბრეგაძე „პრაიმტაიმთან“ საუბრისას საკითხს, ჩატარდება თუ არა, ონლაინ Tbilisi Pride.

„რა თქმა უნდა, ჩვენ ვეწინააღმდეგებით, რომ დემონსტრაციულად გამოდიოდნენ ეს ადამიანები და პროპაგანდას ახდენდნენ. გასაგები მიზეზების გამო, ეს ვერ მოხერდება. კომპიუტერში თუ შეიკრიბებიან და რადიო გადამცემებით ან რაციებით ექნებათ კონტაქტი… ჩვენ მაგათ ქუჩა-ქუჩა არ გავეკიდებით. არც უნდა ვსდიოთ. მთავარი ისაა, რომ მათ პროპაგანდის საშუალება არ მივცეთ.

რაც შეეხება კონკრეტულად 17 მაისს, ოჯახის სიწმინდის დღეს, თუ პატრიარქი რაიმე ღონისძიებას დაგეგმავს აუცილებლად შევუერთდებით.“

Tbilisi Pride-ის ერთ-ერთ ორგანიზატორი, გიორგი თაბაგარი არ გამორიცხავს, რომ რომ ღირსების მარში შესაძლოა ონლაინ, სოციალური ქსელის მეშვეობით ჩატარდეს.