აშშ-მა დაადასტურა ქვეყანაში მილიონზე მეტი ადამიანის დაინფიცირება, ხოლო კორონავირუსის პანდემიის განმავლობაში გარდაიცვალა სულ მცირე 58 ათასი ადამიანი, რაც აღემატება ვიეტნამის საომარ კამპანიაში დაღუპულ ამერიკელთა რაოდენობას.
28 აპრილის სტატისტიკით აშში_ დარეგისტრირდა კიდევ 2207 გარდაცვლილი. ჯამში აშშ-ში COVID-19-ის ვირუსით გარდაიცვალა 58348 ადამიანი, მაშინ, როცა ვიეტნამის 10 წლიანი ომის დროს დაღუპულ ამერიკელ მოქალაქეთა რაოდენობა 58220-ია.
აშშ-ის კორონავირუსით დაინფიცირებულთა რაოდენობის ზრდის ფონია ინტენსიური ტესტირება. 29 აპრილს აშშ-ის პრეზიდენტმა დონალდ ტრამპმა ტვიტერში დაწერა, რომ უფრო მეტი დაავადებულის გამოვლინება გამოიწვია ტესტირებამ, რომელიც “აშშ-ი ბევრად უკეთესია, ვიდრე რომელიმე ქვეყანაში”.
აშშ-ის ზოგიერთმა შტატმა და ზოგიერთმა ევროპულმა ქვეყანამ, ინფიცირებულთა რაოდენობის კლების ფონზე, დაიწყეს მკაცრი კარანტინის ზომებისა და შეზღუდვების შერბილება, რაც კორონავირუსის ეპიდემიის შესაჩერებლად იქნა შემოღებული.
მაგრამ საზოგადოებრივი ჯანდაცვის ექსპერტები აფრთხილებენ, რომ შეზღუდვების ნაჩქარევად მოხსნის შემთხვევაში შესაძლოა შეიქმნას ეპიდემის მეორე ტალღის საფრთხე.
ჯონს ჰოპკინსის უნივერსიტეტის ანგარიშის თანახმად, მსოფლიოში დღეისათვის კორონავირუსით დაინფიცირებულთა რაოდენობა 3,1 მილიონს აღწევს, გარდაცვლილთა რაოდენობამ 217 ათასს გადააჭარბა.
კომერსანტი
კომენტარები