“ქართული ოცნების” დეპუტატი, მამუკა მდინარაძე სოფელ მლეთაში, ლომისის წმინდა გიორგის ლომისის წმინდა გიორგის ეკლესიასთან რუსი სამხედროების გამოჩენასთან დაკავშირებით დასმული კითხვის პასუხად ამბობს:
“გამოჩნდნენ საოკუპაციო ძალებიო სადაც ამბობთ, ყველგან ჩანდნენ, სამწუხაროდ, 2008 წლის შემდეგ, ყველგან ჩანდნენ, ახლა სადაც გამოჩნდნენ თქვენი შეფასებით და საზოგადოებას ისე აწვდით ამბავს, თითქოს დღეს გამოჩნდნენ, გუშინ და აქამდე არ ჩანდნენ. თითქოს არ ჩანდნენ აქამდე, გუშინ გამოჩნდნენ, რაღაც ახალი მოცემულობაა, შემოიჭრნენ თითქოს და არავინ არ დახვდა და არაფერი არ ხდება ახალი და სამწუხარო ხდება, ოღონდ ძველი, ძველი, უკვე არსებული რეალობა.
ოჩამჩირის ბაზის თემა თითქოს დღეს გაიგეს, 2009-11 წლებში ინტენსიური სამშენებლო სამუშაოები რომ მიდიოდა იქ და ხმა არა მოუღია არც ერთ ნაცს, ახლა სადღაც მლეთასთან გადაადგილება ზემოთ, თითქოს დღეს გაიგეს პირველად, როცა სულ პერმანენტულად ხდება ეს მავნებლობა მათი მხრიდან და მეორე, შიდა მავნებლობა იცით რა არის როგორც ახალ ამბავს ისე აწვდიან საზოგადოებას, ისე ეწოდება, სამწუხაროდ, თქვენი ტელევიზიების მხრიდანაც ასეთი ვითომ ახალი ამბები, სინამდვილეში რომელიც არის ძველი მავნებლობა”.
“ანტისაოკუპაციო მოძრაობის” ლიდერმა, დავით ქაცარავმ ლომისის ეკლესიის კადრები გუშინ გაავრცელა. ის ამბობს, რომ საქართველოს მიერ კონტროლირებად ტერიტორიაზე რუსები იმიტომ იყვნენ, რომ მათ ახალი ტერიტორიების ოკუპაციის გეგმა აქვთ.
სახელმწიფო უსაფრთხოების სამსახურს უფიციალური განმარტება არ გაუკეთებია.
რაც შეეხება ოჩამჩირეს, იქ, რუსეთის სამხედრო-საზღვაო ძალების ახალი მუდმივი ბაზის გახსნა იგეგმება, ჯერ კიდევ არ არის გახსნილი, იგეგმება და თუ წლებია ცნობილია მთავრობისთვის, რომ იქ მუდმივი სამხედრო ბაზის გახსნა იგეგმება, რატომ გახდა საზოგადოებისთვის ცნობილი ეს მხოლოდ ოკუპირებული აფხაზეთისგან, ამაზე მდინარაძეს არ უსაუბრია.
ასლან ბჟანია – აფხაზეთში რუსეთის სამხედრო-საზღვაო ძალების მუდმივი ბაზა გაიხსნება
კომენტარები