სურსათის ეროვნული სააგენტოს ცნობით, დაავადებათა კონტროლისა და საზოგადოებრივი ჯანმრთელობის ეროვნული ცენტრიდან მიიღეს შეტყობინება საჩხერის მუნიციპალიტეტის სოფელ სავანის სკოლის 9 მოზარდის საკვებისმიერი ინტოქსიკაციის შესახებ. არაგეგმური ინსპექტირების დროს, შემოწმებისას სააგენტოს ინსპექტორებმა ამოიღეს და დალუქეს 3 ყუთი ნამცხვარი „დონატი“, რომლის დამზადების თარიღია 05/04/2023 წელი, ხოლო ვარგისიანობის ვადა 05/10/2024 წელი.
ამავდროულად, აღნიშნული სურსათის ნიმუშები, მიკრობიოლოგიური კვლევის მიზნით, აიღეს და გააგზავნეს აკრედიტებულ ლაბორატორიაში. კვლევის შედეგად დადგინდა, რომ მიკროორგანიზმების – ობის სოკოების, ნორმა მნიშვნელოვნად აღემატებოდა დაშვებულ ზღვარს (დადგენილი ნორმა – 100 კწე/გ-ში, კვლევის შედეგი – 2000 კწე/გ-ში).
ბიზნესოპერატორმა ვერ წარმოადგინა მიკვლევადობასთან დაკავშირებული დოკუმენტაცია, რადგან მისი განმარტებით, მან „დონატები“ არაორგანიზებული ვაჭრობის პირობებში შეიძინა.მედეა ტურაშვილი, სააგენტოს გვერდზევე აქვეყნებს ფოტოს და წერს:
ესენი სკოლებში იყიდება რამდები ხანია. სად ხართ აქამდე? შარშან რომ შეაოწმეთ არ იდო ეს თუ რა? ეს ჩემი შვილების სკოლიდან…ვინ ხართ პასუხისმგებელი ჩემი შვილების ჯანმრთელობაზე?
თ. ფოცხვერაშვილი:
უფასო კვება ხომ არ აღირსეს სკოლებს , თუნდაც , ჯერ დაწყებითი კლასებით დაეწყოთ! და ახლა , ისიც არ უნდა მაკონტროლებელ ორგანოს რომ ამ და სხვა ნაგავი პროდუქციის შეტანა მაინც აკრძალოს! მშობლების უმეტესობა ვცდილობთ რომ სწორი კვების პრინციპით აღვზარდოთ შვილები და რას აკეთებს ამდროს სკოლა?! ყველაფერს წყალში გვიყრის. სკოლა უნდა გვეხმარებოდეს მშობლებს რომ როგორმე ერთობლივად ჩამოვუყალიბოთ ბავშვებს ჯანსაღი კვების ჩვევები!
ძალიან , ძალიან სამწუხაროა ეს შემთხვევა… სამაგალითოდ უნდა ისჯებოდეს ამის ჩამდენი!
ინგა ნიკურაძე:გთხოვთ ყველა საჯარო სკოლის ,,ბუფეტები” გადაამოწმეთ.გლდანშიც.
მარიამ ხუციშვილი:
ხაშურშიც იყო იგივე შემთხვევა
მეგი ქავთუაშვილი:
გროვდება 10 000 ხელმოწერა, რომელიც სურსათის ეროვნული სააგენტოსგან ითხოვს, რეგულარულად შეამოწმოს სკოლის ბუფეტებში შეფუთული პროდუქტის ხარისხი. ხოლო განათლების სამინისტროსგან – აკრძალოს ჯანმრთელობისთვის მავნე საკვებით ვაჭრობა სკოლებში. დარჩენილია 500 ხელმოწერა. შემოგვიერთდით ამ ბმულზე https://shorturl.at/dhxX8
კომენტარები