თავდაცვის ყოფილმა მინისტრმა, დავით კეზერაშვილმა გამოცემა Le Point-თან ინტერვიუში რუსეთის მიერ ოჩამჩირეში საზღვაო-სამხედრო ბაზის განთავსებაზე ისაუბრა და თქვა:
“ჩვენ უკვე ვიცით, რომ მათ საკუთარი ფლოტის ნაწილი ყირიმიდან ნოვოროსიისკში გადაიტანეს, რუსეთის ტერიტორიაზე. მაგრამ ეს სატვირთო პორტია, რომელიც კვლავ შეიძლება უკრაინის თავდასხმის ობიექტი გახდეს. ფლოტის მათ მიერ ოკუპირებულ ტერიტორიაზე, ოჩამჩირეში გადატანით, რუსეთს თავის განკარგულებაში ნამდვილი სამხედრო ინფრასტრუქტურა ექნება. აშკარაა, რომ ეს საერთაშორისო საზოგადოების შეურაცხყოფაა, რომელიც აფხაზეთს საქართველოს განუყოფელ ნაწილად მიიჩნევს. ეს ასევე არის გზავნილი თურქეთისთვის, რომლის საზღვაო ბაზებიც ახლოს მდებარეობს. გარდა ამისა, ესაა გზავნილი რუსული საზოგადოებისთვის, რომელსაც აგებინებენ, რომ ქვეყანა არ აპირებს კავკასიის დატოვებას, მიუხედავად მისი პოლიტიკისა მიატოვოს მთიანი ყარაბაღი სომხეთში.
ანაკლიის პორტის პროექტმა, რომელიც ჯერ კიდევ განხილვის ქვეშაა და მასში უცხოელი ინვესტორები მონაწილეობენ, მოსკოვის მხრიდან მკვეთრი მტრობა გამოიწვია. რუსებისთვის ეს მისი ნეიტრალიზების საშუალებაა. ვინ განახორციელებს ინვესტიციას პორტში, რომელიც დაბომბვის საფრთხის ქვეშაა?
საქართველოს პრემიერმინისტრი და საგარეო საქმეთა მინისტრი NATO-სა და ევროკავშირის ქვეყნებში უნდა გამგზავრებულიყვნენ და განგაში აეტეხათ. საქართველოს ტერიტორიის გამოყენება უკრაინის მშვიდობიან მოსახლეობაზე თავდასხმისთვის დაუშვებელია და საფრანგეთთან მოლაპარაკებული და 2008 წელს რუსეთ-საქართველოს ომის დასრულებისას დადებული ცეცხლის შეწყვეტის შეთანხმების დარღვევაა.
მაგრამ ეს არაა სიურპრიზი საქართველოს ამჟამინდელი მთავრობისთვის, რომელიც მოსკოვის ბრძანებებს ასრულებს, რუსული თვითმფრინავებისთვის საჰაერო სივრცის გახსნით, რუსებისგან ნავთობის შესყიდვით და სანქციების მიუხედავად აღჭურვილობის მიწოდებით”.
კომენტარები