“მთავარი არხის” დამფუძნებელი კიდევ ერთხელ ადასტურებს მედიასთან, რომ პოლიტიკაში ჩაბმას გეგმავს, თუმცა, არ აკონკრეტებს, ახალი პარტიის სახით, თუ რომელიმე პოლიტიკურ პარტიასთან ერთად.
გვარამიას თქმით, “ნაციონალურ მოძრაობასთან” თანამშრომლობის იდეასაც განიხილავს, თუმცა ასევე ამბობს, რომ არც სხვა პლატფორმებიდან ბრძოლას გამორიცხავს.
“პოლიტიკაში ჩემი წასვლა არ არის სანერვიულო არავისთვის, არავის ადგილის დაკავებას არ ვაპირებ, დანამდვილებით. მე მინდა, რომ ვიყო ის, სადაც უფრო მეტი ეფექტიანობა მექნება მეც პერსონალურად და შევძენ იმ პლატფორმას, სადაც მივალ ან გავაკეთებ.
შესაძლებლობები ბევრია, თუმცა სწორი შესაძლებლობა ცოტა, ამიტომ უფრო მეტი ფიქრი მჭირდება.
ყველა ვარიანტს განვიხილავ მეთქი რომ გითხარით, შედის ნაცმოძრაობაც. იქ გაგიკვირდებათ, რომ გითხრათ არ შედის და არცერთ შემთხვევაში არ განვიხილავ, თუმცა არის სხვა ვარიანტებიც”, – ამბობს გვარამია.
კომენტარები