გურიაში, ჩოხატაურის რაიონის სოფელ გოგოლესუბანში ახალგაზრდა ბიჭი მოკლეს. მთავარი არხის ინფორმაციით შემთხვევა ცოტა ხნის წინ მოხდა.
მედიის ცნობით მოკლული ბიჭი 23 წლის იყო. სავარაუდო დამნაშავე კი ადგილობრივია, რომელმაც 4-წლიანი პატიმრობის შემდეგ სასჯელაღსრულების დაწესებულება 3 თვის წინ დატოვა. ის სასჯელს პოლიციელზე თავდასხმისთვის იხდიდა. ცნობილია, რომ ის ვადაზე 3 წლით ადრეა გათავისუფლებული.
შსს-მ გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.
23 წლის მოკლული ახალგაზრდას ცხედარი ქუთაისში, სამხარაულის კლინიკაში ექსპერტიზაზე გადაასვენეს. მანამდე კი მოკლულის ახლობლები დაბა ჩოხატაურში, მამქოლის კლინიკასთან იყვნენ შეკრებილები, სადაც გარდაცვლილის ცხედარი ესვენა.
მათ მკვლელობის მიზეზებზე არ უსაუბრიათ. ცნობილია მხოლოდ ის, რომ მკვლელობა სიტყვიერი შელაპარაკების შემდეგ მოხდა.
კომენტარები