„საერთოდ არ ჩასულხართ, ვინ ჩავიდა, გვარი მითხარით, ტყუილი, ერთი ფოტო მანახეთ“ – ამ სიტყვებით მიმართავს ირაკლი კობახიძე ოპოზიციას. კობახიძე ამტკიცებს, რომ შოვში ოპოზიციის არცერთი წარმომადგენელი არ ჩასულა.
“ერთადერთი ოპოზიციონერი პოლიტიკოსი, რომელიც ჩავიდა შოვში იყო შალვა ნათელაშვილი. ერთი თვის განმავლობაში შოვში არავინ ჩასულა, იქ რომ ჩასულიყავით, ამდენ სისულელეს არ იტყოდით, ზუსტად იმიტომ არ ჩახვედით, რომ ამდენი სისულელე დაგრჩენოდათ სათქმელი, შეგნებულად არ ჩახვედით.
წარმოიდგინეთ ამათი გუნდის ერთ-ერთი წევრი, ყოფილი გუბერნატორი, ჰქვია რაჭველი, არ ვიცი მენტალიტეტით ვინ არის, სირაძე, რაჭაზე ცოტა გული ხომ უნდა შეგტკიოდეს. რაჭველი დეპუტატები არიან რადიკალურ ოპოზიციაში და ისინიც არ ჩასულან, არც სამშობლო, არც შენი კუთხე, არაფერი არ აქვს, არაფერი წმინდა არ აქვთ ამ ადამიანებს.
სირაძის განცხადებას რაც შეეხება, ამბობს, რომ – რაჭაში ტურიზმი დამთავრდაო, წარმოიდგინეთ რეგიონის შესახებ, რომელიც არის ტურისტულადაც მიმზიდველი, ამბობს, რომ ტურიზმი დამთავრდა, წარმოიდგინეთ, რა დონის მავნებლები არიან. ასეთი განცხადებების შემდეგ, რასაც ამ გუნდის წევრები ავრცელებდნენ, სისტემატურად ხდებოდა ჯავშნების გაუქმება,“ – ამბობს კობახიძე.
კომენტარები