მთავრობა მარტო შსს არ არის – ასე პასუხობს შს მინისტრი ოპოზიციის შეკითხვებს ვერტმფრენების შესყიდვასთან დაკავშირებით. პარლამენტში მიმდინარე ინტერპელაციაზე, სადაც გომელაური შოვის ტრაგედიასთან დაკავშირებითაა დაბარებული. გომელაურმა განაცხადა, რომ ვერტმფრენები თავდაცვის სამინისტროსთვის უნდა შეესყიდათ:
“მთავრობა მარტო შსს ხომ არ არის. გითხარით, რომ ეს იყო თავდაცვის სამინისტროსთვის, უნდა შეესყიდათ და გაჩერდა ეს თემა. შსს ყიდულობდა თურმე ვერტმფრენებს, რომლებიც თურმე გადაარჩენდა ხალხს.”
შეგახსენებთ, თავდაცვის მინისტრმა განაცხადა, რომ ვერტმფრენები შსს–თვის უნდა შეესყიდათ, თუმცა, დასძინა, რომ შსს–თვის ვერტმფრენები თავად შეარჩია.
უცნობია, საბოლოოდ რა გზით და როგორ გადაწყდება, ამ ორი მინისტრიდან რომელი და როდის ამბობს სიმართლეს.
შს მინისტრს კი, პარლამენტის დარბაზშივე შეახსენეს, რომ იგი მხოლოდ შინაგან საქმეთა სამინისტროს არ განაგებს, უსაფრთხოების საბჭოს მდივანიცაა და თავდაცვის ან რომელიმე სამინისტროზე გადაბრალება არ გამოუვა.
შეგახსენებთ, თავდაცვის სამინისტროს, პრემიერად ხელმეორედ მოსვლამდე, ირაკლი ღარიბაშვილი განაგებდა.
კომენტარები