„ლელო საქართველოსთვის“ ერთ-ერთმა ლიდერმა, დავით უსუფაშვილმა პარლამენტში შს მინისტრს ვახტანგ გომელაურს, რომელსაც ინტერპელაციის წესით, შოვის ტრაგედიაზე უსმენენ, მიმართა და უთხრა:
„მე მინდა ბატონ მინისტრს ვუთხრა, რომ არ არის ეგრე, რომ საქმე არ გაგიკეთებიათ. ბევრი რამე გააკეთეთ, მაგრამ გთხოვთ, ამ ყველაფრიდან გაკვეთილებიც გამოვიტანოთ, სისტემა აეწყოს უკეთ
ვახტანგ, ვიცი, რა ხათაბალა საქმეც გაბარია, შინაგან საქმეთა მინისტრი ხარ, მაგრამ კიდევ ძალიან დიდი და მნიშვნელოვანი თანამდებობა გაქვს შენ. სახელმწიფო უსაფრთხოების საბჭოს მდივანი ბრძანდები. ამიტომ ვერანაირად ვერ მივიღებ პასუხებს, რომ ეს თავდაცვის სამინისტროს საქმეა, ეს გეოგრაფების და ჰიდროლოგების საქმეა და ა.შ. რა თქმა უნდა, შეუძლებელია, ვახტანგმა ან დათომ, ეს ყველაფერი ვიცოდეთ, მაგრამ აუცილებელია, რომ სადღაც ეს ცოდნა, ექსპერტიზა, გამოცდილება თავს იყრიდეს. სად უნდა იყრიდეს? უსაფრთხოების საბჭო ამიტომ გვაქვს, უსაფრთხოების საბჭოში სიტუაციების ოთახი ამიტომ გვაქვს. ბრიტანელებმა ამიტომ ჩაასხეს ამდენი ფული, რომ ჩვენც გვქონოდა ცივილიზებული სისტემა იმისა, რომ ჩვენ გვცოდნოდა, როგორ უნდა ხდებოდეს გადაწყვეტილებების მიღება და საკითხების მოწესრიგება. ამას ვერ ვხედავთ და სწორი და კარგი ნაბიჯები უმეტეს შემთხვევაში მარიფათიანი გოგო-ბიჭების დამსახურებაა. როცა ასე უსისტემოდ და არაფორმალურად ხდება საკითხებთან გამკლავება, იქ დიდია რისკი და გარდაუვალია არასწორი გადაწყვეტილებები და შეცდომები“.
კითხვები, რომლებიც მინისტრის პასუხებმა გააჩინა – რას ამბობს და რას არ ამბობს გომელაური?
კომენტარები