პოეტი, ლელოს წევრი, ნიკა ჩერქეზიშვილი, სატირული წერილით ეხმაურება, დღეს, მეოთხე საჯარო სკოლასთან გამართულ აქციას და წერს:
“დღეს სახელმწიფო უსაფრთხოების სამსახურმა, საპატრულო პოლიციამ, კრიმინალურმა პოლიციამ და ა.შ. მე-4 საჯარო სკოლის მიმდებარე ტერიტორიაზე აქცია გამართეს, უკვე წლების განმავლობაში დანგრეული მე-4 საჯარო სკოლის შენობის დროულად აშენების მოთხოვნით.
ადგილზე მოცვივდნენ მოსწავლეების მშობლები, იქცეოდნენ აგრესიულად, ქაჩავდნენ თვალებს და ზღუდავდნენ ძალოვანების გამოხატვის თავისუფლებას. ასევე, საკუთარი არაადეკვატური სიმრავლით ცდილობდნენ მათზე ფსიქოლოგიურ ზემოქმედებას და დაშინებას.
გამწარებულმა და გაწამებულმა ძალოვანებმა სცადეს გზის გადაკეტვა, რომ როგორმე განათლების სამინისტროს და სხვა პასუხისმგებელი უწყებების ყურადღება მიექციათ, მაგრამ მოსწავლეების მშობლებმა არც ამის საშუალება არ მისცეს სუსსა და პოლიციას.
დიდი მადლობა ტელეკომპანია იმედს, პოსტივისა და რუსთავი 2-ს, აქციის ობიექტურად გაშუქებისთვის!
სიმართლე გაიმარჯვებს!”
ცნობისთვის, დღეს მშობლები აპროტესტებდნენ იმას, რომ მრავალი წლის განმავლობაში შეწყვეტილია სასწავლო პროცესი მრავალ საჯარო სკოლაში, მათ შორის მე–4 საჯარო სკოლაშიც.
“პარალიზებულია ფაქტობრივად სასწავლო პროცესი ნაძალადევის რაიონში, ათასობით მოსწავლეს უწევს სხვა სკოლებზე მიკელდება, სწავლობენ მეორე სმენაში, შეზღუდული სასწავლო დროით. ეს გრძელდება წლების განმავლობაში”, – ამბობს ვიდეოში ნიკა ჩერქეზიშვილი
კომენტარები