“გომელაური ფიზიკურად არ არის შოვში, მაგრამ…” – პაპუაშვილი განმარტავს, რატომ არ იმყოფება გომელაური სტიქიის ზონაში

პარლამენტის თავმჯდომარის, შალვა პაპუაშვილის განმარტებით, შინაგან საქმეთა მინისტრი ვახტანგ გომელაური ოჯახის წევრის ჯანმრთელობასთან დაკავშირებული საკითხის გამო სტიქიის ზონაში არ იმყოფება. ამის შესახებ მას ჟურნალისტებმა ჰკითხეს.

“ბატონ ვახტანგს აქვს ოჯახის წევრის ჯანმრთელობასთან დაკავშირებული საკითხი, აქედან გამომდინარე, ის ფიზიკურად აქ არ არის, თუმცა, ყველაფერში, რა თქმა უნდა, ჩართულია და მთლიანად ამ უწყებაზე დგას დღეს მთელი სამაშველო ღონისძიებები. ხომ ხედავთ, მაშველები როგორ მუშაობენ, როგორ არის ტექნიკა და ა.შ, უწყება არის სრულად მობილიზებული…”