“სულ მცირე ორი დღით ადრე შეიძლებოდა ტრაგედიის პროგნოზირება და ხალხის ევაკუაცია” – ბექა კობახიძე-

ადგილობრივები ამბობენ რომ მდინარე ორი დღით გაჩერდა, კალაპოტი დაცარიელდა. ეს მაშინ, როდესაც მყინვარები დნება და წვიმებიც იყო.

იქვე იყო მოსაზრება, რომ ჩამოწოლილმა მეწყერმა მდინარის დაგუბება გამოიწვია, შემდეგ ეს დაგუბებული ერთიანად მოწყდა და გამოიწვია ეს ტრაგედია.

ამ ორ ამბავს ვიზუალურად ადასტურებს ის რაც ვნახეთ: მდინარის კალაპოტი ცარიელი იყო და უცებ, თითქოს არსაიდან, წყლის, შლამის, ხეების და ყველაფერი უბედურების მასა ერთად მოვარდა, ის რკინის ხიდიც წაიღო, რაც ვნახეთ, და წაიღო მთელი შოვიც.

თუ ზემოხსენებული ჩვენებები მართალი არ არის, მაშინ საიდან მოვარდა ცარიელ კალაპოტში ეს დამანგრეველი მასა? ამაზე აუცილებლად უნდა მოვიღოთ პასუხი. ეს ხომ ჩვენი ორი თვალით ვნახეთ.

თუ ეს ყველაფერი ასეა, ესე იგი სულ მცირე ორი დღით ადრე შეიძლებოდა ტრაგედიის პროგნოზირება და ხალხის ევაკუაცია, როცა მეწყერი ჩამოწვა და მდინარის დაგუბება დაიწყო.

მაგრამ ვერავინ მიხვდა რომ ეს ხდებოდა. რატომ?!

1. მიუხედავად ვერეს ტრაგედიისა და მიუხედავად მეწყრული პროცესების მუდმივი საშიშროებისა, მონიტორინგის სისტემა არ შეიქმნა;

2. ყველა სახელმწიფო უწყებას აქვს კომპეტენციისა და კომპეტენტური კადრების პრობლემა. თავისთავად, ქვეყანაში განათლების სისტემის პრობლემაა, მაგრამ მდგომარეობა უკიდურესად მძიმდება ნეპოტიზმით, სახელმწიფო უწყებებში გვაროვნულ-დინასტიური შტოების გაფურჩქვნით.

გუშინ ტრაგედიის ადგილას ბახილებით მისული გამგეობის წარმომადგენელი რომ ვნახეთ, იმას ხომ კომპეტენცია არ აქვს, არც გული აქვს და არც თავისი ხალხის თუ მხარის სიყვარული. იმ ერთი ბახილით გამოჩნდა ყველაფერი. სამაგიეროდ, ყავს ბიძა, ძმაკაცი და ა.შ. ეს ზოგადი ვითარებაა და ამ ვითარებას შეუძლია მიგიყვანოს იქამდე, რომ 36 საათი მდინარე გუბდებოდეს და ამ დროს კოლექტიური ბახილიანები არხეინად იყვნენ, რადგან ვერასდროს მიხვდებიან რა ხდება.

ამას რომ წაიკითხავ და პოლიტიკისგან გამიჯნეო მაინც რომ დამიწერ, გონებასუსტი ხარ. ქოციც არა, რაღაც უფრო ქვემოთ.

ჟურნალისტებმა ასეთი ძალიან კონკრეტული კითხვები უნდა დაუსვათ ამ უგვანოებს.